Sé Lós Mak Atu Eleitu ba Prezidente Repúblika iha Eleisoins Prezidensial 2022?

 

A. Objetivu

Horiseik, 31 Dezembru 2020, hau posting artigu ida ho titulu: "Memoria Ineskezivel 31 Dezembru 1985". Atraves artigu refere, hau mensiona kona-ba "Quiz Berhadiah Pulsa 21 Dolar". Objetivu lolós hodi halao "Quiz Berhadiah Pulsa 21 dolar" refere, atu konfirma deit, se-los mak sei eleitu ba Eleisoins Prezidensial 2022.

B. Métodu.

Métodu uza ba dada rifa orsida, mak blind system method.

Entretantu, fo hatene ba belun sira ne'ebe disponibel fo ona resposta kona-ba "Quiz Berhadiah 21 Dolar", komu ema barak mak fo resposta, no resposta los ne'e barak, entaun hau tenki halo lai "tabulasi data".

 

Tabulasi data hahú husi Mana Lucia Moniz, belun ne'ebe fo komentarius primeira, no taka husi Maun Alex de Araujo, belun ne'ebe fo komentarius ikus liu. "Entah" koinsidensia ou lae, belun rua ne'e fo komentarius dehan; "Hau ba to'o dunia Atsabe" iha 31 Dezembru 1985.

Tabulasi data hotu tiha, depois mak dada rifa, hodi hatene, se-los mak manan premiu pulsa 21 dolar. Sira ne'ebe fo resposta los, sira nia naran, hakerek tiha iha surat tahan ida, depois lulun tiha, hatama ba toples, depois reza tiha iha Oratorio, hafoin mak hili.

Grasas a Deus, ba ida ne'ebe eleitu. Maske prémiu ne'e nia valor material, 21 dolares deit, maibé nia valor non material ne'e signifikantes tebes, tamba iha dimensaun futuristik ne'ebe relasiona ho akontesementus barak iha futuru. Liu-liu atu konfirma lolos, se-los mak sei eleitu iha Eleisoins Prezidensial 2022??

Será-ke politiku nain ida manan iha Eleisoins Prezidensial 2022 ne'e, figura foun? Ou figura tuan? Figura foun katak figura ne'ebe ladauk "pernah" assumi kargu Prezidente Repúlika. Figura tuan katak figura ne'ebe "pernah" assumi tiha ona kargu Prezidente Repúblika iha anterior, mas depois re-eleitu fila fali iha Eleisoins Prezidensial 2022.

Belun sira imajina tok, kuandu iha Eleisoins Prezidensial 2022, Maun Bot Xanana mak re-eleitu fali ba Prezidente Repúblika. Ne'e konstelasaun politika iha rai ida ne'e "rame" fuik nian. Sa-tan iha Eleisoins Parlementar 2023 mak CNRT manan tan, tamba antes eleisoins, CNRT hala'o tiha uluk "pra-koalisi. Imajina rasik ba.

Alin oan ne'ebe atu dada rifa orsida ne'e, ninia foto mak hamrík hamutuk ho hau iha fotografia anexu. Nia naran Bonina. Aban, dia 2 Janeiro 2021, nia halo tinan ba dala 12.

"Tidak ada seorangpun yang dapat mengambil sesuatu bagi dirinya, kalau tidak dikaruniakan kepadanya dari sorga" (Yohanes 3:27).

Boas entradas ba familia, kolegas no amigos sira hotu iha nebe deit. Deseju ksolok no prosperus tinan foun 2021, ba imi hotu ho Familia ne'ebe imi hadomi.