Mensajen Badak Dedika Ba Nai Prezidente da Republika (Dr. Jose Manuel Ramos Horta)

 

Husi: Rama Cristo, S-33.

        Nudar "misticus" nebe gosta Gematria, hau hahuu loron dahuluk, tinan 2025 nee, ho meius share fila fali artigu tuan (edisaun 11 Fevereiru 2022), iha Lian Indonezia, ho titulu: MISTERI PENEMBAKAN PRESIDEN RAMOS HORTA 11 FEBRUARI 2008, hanesan belun sira bele lee iha okos, ho razaun tanba bazeia ba perspetiva Gematria, iha tinan 2025 nee, tinan nebe todan uitoan ba Nai Prezidente da Republika.

        Ho nunee, husu ba Nai Prezidente da Republika atu evita foti desizaun politika nebe desfavoravel ba povu kiik nia interesses, evita konfrontus direta ho adversarius politikus, kontrola lia fuan, liu-liu evita pronunsia liafuan sarkastiku iha publiku, evita pronunsia liafuan nebe rezulta "energia negativas husi cosmic", kontrola mos "cumidas" (hahan), "bebidas" (minuman), eskoltu sira mos tenke restrict, no tenke "reza tersu" bebeik, no husu propria tulun ba Inan Virgem Maria Santissima Lourdes.

        Ikus liu, karik maluk balun nebe besik liu Nai Prezidente da Republika, karik hetan biban lee mensajen nee, se-karik possible, hatoo hela ba Nai Prezidente, atu labale haluha "kumpri" (obediese) "akordu" nebe Nai Prezidente asina hamutuk ho Magnifiku Reitor UNPAZ no Rama Cristo, iha Aula Jose Casemiro, Kampus UNPAZ, iha 30 Marsu 2022, hanesan belun sira bele haree iha ilustrasaun (vizualizasaun) nebe hatudu liu husi video badak ida nebe hau aneksu iha nee. Haree iha parte ikus liu iha artigu ida nee.

        Hau hatoo mensajen ida nee laos ho objetivu atu husu Nai Prezidente tenke fornese "peni rahun ruma ba hau", ou rekruta hau sai Assesor iha Palasiu Prezidente Aitarak Laran. Atan hau hatoo mensajen aberta ida nee tanba hau tenke kumpri hau nia dever. Bainhira hau preokupa uitoan hanesan nee, nee kerdizerke iha tinan 2025 nee, sei iha "drama" (kejutan) balun nebe akontese iha TL, bainhira Nai MAROMAK lahalo intervensaun hodi prevene.

Hau prepara hela artigu ida, nebe sei esplika didiak kona ba assuntu refere. Iha loron hirak mai hau sei posting artigu nee.

        Mak nee deit. Boas entradas. Dezeizu prosperus tinan foun 2025 ba kolegas sira hotu nebe disponivel lee ona mensajen ida nee.

Hakoak bot. JLU (Jesus Loves You).