MEMORIA INESKESIVEL 31 DEZEMBRU 1985 (Quiz Berhadiah 21 Dolar Ba Estudantes)

 

Iha 31 Dezembru 1985, tamba deit atu dansa ho doben iha Atsabe hodi simu tinan foun (1986), tuku 9 dader, hau sai husi Dili, sa'e truck ba tun iha "Simpang Tiga" Ermera. Bolu Simpang Tiga, tamba iha kruzamentu 3: 

 

1. Ba Dili

2. Ba Ermera Kota Lama.

3. Ba Letefoho-Atsabe. 

 

Sai husi Dili, ho konviksaun ida katak, pasti iha transporte husi Simpang Tiga ba Atsabe. Sa-tan atu simu tinan foun, konserteza ema viazen barak. 

 

Mas saida mak akontese? To'o Simpang Tiga, tuku 11. Truck hatun hela hau, truck tama ba Ermera Kota Lama. Hau hein karreta atu ba Atsabe. Mas hein ba hein, hein ba hein, karreta atu ba Atsabe laiha. Jangankan ba Atsabe, ba deit Letefoho mos laiha. Hein to'o tuku 5 lorokraik, nein karreta ida liu. Truck deit mos laliu. Motor ida deit mos la liu. 

 

Udan makas. Railakan tarutu, hau mesa-mesak mak bilaan hela iha Simpang Tiga. Bokon didiak. Malirin tan. Hamalaha tan. Nakdedar, nehan tarutu hanesan ema sona batar. Pasta nebe roupa nakonu iha laran mos bokon didiak. Hiit todan loos. 

 

Komesa menyesal. Nusa ohin hau nekat mai? Stress tingkat dewa mosu. Atu fila fali mai Dili, karreta laiha. Atu ba Atsabe mos karreta laiha. Atu tama deit ba Ermera Kota Lama mos, karreta laiha.

Padahal tujuan utama ba Atsabe ne'e atu dansa ho doben. Janjian hela tiha ona liu surat atu dansa ho doben iha malam tahun baru. Pokoknya stress tingkat dewa. 

 

Tuir belun sira nia hanoin, iha 31 Dezembru 1985 ne'e, hau ba los ne'ebe? 

 

a. Ba to'o duni Atsabe?

b. Ba to'o deit Letefoho?

c. Ba Ermera Kota Lama?

d. Fila fali mai Dili? 

 

Ba sira ne'ebe tebak loos, sei hetan premiu, pulsa 21 dolar. Pulsa bele transfere iha 1 Janeiro 2021.

Keta underestimate (menganggap remeh) valor premiu pulsa, ho angka 21. Tuir Ahli Ilmu Bilangan (bele lee livru ho titulu: Rahasia Di Balik Nama, author: Drs. Hadi Susilo), esplika katak, angka 21, merupakan angka gaib. Alias angka mistik. Ne'e katak, iha tinan foun (20)21, sei akontese peristiwa aneh barak. 

 

Se-karik emar sira tebak los, liu husi ida, maka sei dada rifa hodi deside, se los mak hetan premiu pulsa 21 dolar. Quiz ne'e berlaku to'o deit jam 12 kalan, 2020. 

 

Who knows, pulsa ho angka 21 ne'e, sai hanesan kekuatan "lucky blue" (keberuntungan), ne'ebe lori sorte diak ba ema ida hetan, durante hala'o nia jornada iha 2021.

 

Boas entradas. Deseju prosperus tinan foun 2021, ba familia, kolegas no amigos sira hotu.

 

Notas Ain: 

 

Artigu ida ne'e posting iha akun face book (Antoninho Benjamin Monteiro),  iha dia 31 Dezembru 2020. Bele klik iha ne'e : https://www.facebook.com/antoninho.rego.1/?viewas=100000686899395.