DARAH DAUD-303: CEPAT ATAU LAMBAT REVOLUSI KUNING AKAN MELANDA TIMOR LESTE (Di Mana Ada Roti Di Situlah Negaraku)

Perguntas simples ba Autoridade GOI (GOI ninia sigla, belun sira buka rasik ba. Hau atu hakerek iha ne'e mas liman tos fali).

Mais ou menus, bele ka lae, GOI dezeña Orsamentu Jeral Estadu (OJE) 2022, mas labele utiliza fundus husi riku soin Timor Gap?

GOI tenta, buka tok fundu husi fatin seluk. Se-karik GOI konsege dezeña OJE 2022, sem uza osan husi riku soin Timor Gap, nee grasas a Deus, bele sai preseden diak ba jerasaun foun katak, iha futuru, maske riku soin Timor Gap hotu mos TL sei bele survive.

Mas pelu kontrariu, mak GOI labele halo ida nee, entaun hau sujere ba jerasaun foun sira tenki, aleinde reza makaas, aprende mos Lian Indonézia. Labele aprende los deit mak Lian Portugéz. Tamba sedu ou tarde, Timor Leste sei kolaps iha momentu riku soin husi Tasi Timor hotu, no iha momentu neba, povu barak sei hamalaha grave, depois mosu revolusaun nebé hau fo naran "REVOLUSI KUNING" .

Iha momentu REVOLUSI KUNING mosu, malae mutin Portugéz sei la ajuda povu TL. Malae Portugéza sira nia hanoin iha momentu neba, sei sai fali (rekurense) hanesan mensajen nebé Rev. Amu Martinho Gusmao hakerek iha prolog livru ho titulu: "POLITIK BERDARAH TIMOR LESTE" (Autór: Senhor Elidio Agusto Guterres, publika iha 2020). Justeru Indonezia mak sei ajuda fali povu TL, tamba iha momentu REVOLUSI KUNING akontese, leader laran osamean ida mak sei asumi kargu nudar Prezidente Indonézia. Prezidente refere ninia avo mane, involve iha Operasi Seroja.

Iha monentu REVOLUSI KUNING akontese, sei mosu chaos (distúrbiu) boot iha Timor Leste, no rezulta movimentasaun iha fronteira terrestrre entre Indonézia ho TL nebé deskontroladu, tamba kuaze instituisaun lubun iha TL sai paralizadu hotu, inklui instituisaun seguransa, laiha kbiit atu bele kontrola movimentasaun iha fronteira terrestre.

Iha momentu neba, subsidiu hotu paradu, inklui subsidiu veteranu, ainda mais pensaun vitalisia, sei paradu hotu, no povu kiik sira, ida-idak buka nia dalan. Autoridades koalia mos povu la fiar.

Hanesan Sekjen PBB, Saudozu Kofi Annan dehan; "Koalia polítika no demokrasía, ba ema nebe iha situasaun hirus, fasil liu duke koalia polítika no demokrasía, ainda mais koalia nasionalizmu, ba emar nebe hamalaha grave (estarvasaun)".

MINDSET KITA DIBENTUK OLEH PERUBAHAN JAMAN

Dala ruma belun balu dehan hanesan ne'e: "Mas Indonézia "tobat" ona atu involve, ainda mais atu ajuda Timor Leste".

Karik iha belun balun koalia hanesan ne'e, hau respeita imi nia hanoin. Mas hau atu dehan, "ita sira koalia hanesan ne'e tamba ita "gagal move on" husi passadu. Ita nia mindset sei kesi metin ho saida mak ita rasik esperiensia iha passadu nebe moruk tebes.

Em prinsipiu, ita nia "mindset" (paradigma hanonoin), formadu husi "evolusi jaman" (perubahan jaman). Komu ita moris iha tempu ida agora ne'e, no ita iha esperiensias nebe moruk iha passadu, forma ita nia hanoin, no hamosu ita nia perspetiva oin seluk.

Mas Filosofu sira dehan: "Saida mak eterna iha moris ne'e, so mudansa (Yang kekal dalam kehidupan ini adalah perubahan). Entretantu, jerasaun sira moris iha futuru, sira nia maneira de hanoin, sira nia prinsipiu, sira nia perspetiva, sira nia orientasaun moris, sei la hanesan ho ita ida moris agora ne'e.

"Beda jauh", ibarat bumi dan langit". Ainda mais sira laiha ikatan emsoional ho akaontesementu passadu. Sira la sofre hanesan ita sofre tamba involve iha luta naruk ida ne'e. Entaun, sira nia perspetiva nasionalizmu, iha diferensia ho ita ida agora ne'e.

Komu sira la involve iha luta naruk ida nebe fo sofremnentu makas ba iha ita nia memoria, ba ita nia sentimentu, entaun jerasaun futuru, prefere hanoin pragmatiku liu duke ita sira agora ne'e.

Lideres balun "over confidence" (kunfia aan demais), ate to'o tiha iha nivel "halu" (waham), sira hanoin dehan, sira nia paradigma ka perspetiva, bele transfere ba atu sai standard hanoin iha jerasaun futuru. Afinal, aufin aukabu, jerasaun foun iha futuru, moris ho sira nia propria perspetiva, moris ho sira nia orientasaun diferensia.

Ainda mais, iha momentu neba, akontese mudansa bot iha Indonézia, no Indonzia nakfilak aan sai pais ida-ke ninia prosperiedade forte tebe-tebes, la'os iha deit rejional ASEAN, maibe iha nivel Azia, no pelu kontrariu, Timor Leste sai fali paíz ida nebé kiak mukit liu iha mundu tamba riku soin Timor Gap hotu. Indonézia lori deit mina Bimoli mai fakar deit iha fronteira, povu barak monu namdoras hanesan haas tasak. Imajina deit, iha tempu riku soin Tasi Timor sei ativu produz mos emar kiak iha TL barak los tiha ona, sa-tan kuandu Timor Gap maran dekor.

Iha tempu nebe Timor Leste kolaps todan, jerasaun futuru bele adopta prinsipiu nebe hanesan matenek nain (Filosofu) sira dehan bebeik: "Di mana ada roti, di situlah negaraku".

Situasaun ida ne'e, halo Estadu Unidus Amérika (EUA), inklui paizes barak husi Eropeia, tenki ajusta aan ho "perubahan jaman", liuliu ajusta aan iha sira nia polítika externa ("kebijakan politik luar negeri"). Iha momentu neba, Amerika ho Eropa iha preferensia boot liu ba Indonézia, duke koloka TL ninia intresses iha sira nia hanoin.

BELAK MEAN RUA SAI REFERENSIA BA REVOLUSI KUNING

Belun sira bele la fiar mensajen nebe hau hakerek iha nee. Mas hau uza referensia fundamentais rua, hodi hato'o serteza kona-ba REVOLUSI KUNING, hanesan tuir mai ne'e:

1. Referensia iha nivel Espiritual(izme).

2. Referensia iha nivel Material(izme).

Referensia iha nivel Espiritual(izme), ita izola(si) tiha lai.

Kona-ba Referensia Material(izme), belun sira bele haree fotografia rua nebe hau anexu iha artigu badak ida ne'e. Iha 3 Fevereiru 1994, iha momentu Nai Maromak haruka Nia Anju rua mai bolu hau ba iha Ramelau huun, tamba Nai Maromak iha intensaun atu fo bensaun ba hau nia prgrama nebe bolu naran CATUR MOBILIUSASI, iha momentu neba, Fevereiru 1994, hau hala'o hela hau nia knaar nudar "dokter muda" iha Ospital Sanglah Denpasar Bali, hanesan hau konta bebeik ona atraves hau nia artigu lubun ho Lian Indonézia, depois de kumpri tiha "panggilan" ba Ramelau huun, hau fila husi Ramelau huun, iha Domingo kalan, 20 Fevereiru 1994. Orientasaun nebe hau simu antes fila husi Ramelau huun, katak, iha dia seguntes, 21 Fevereiru 1994, hau tenki buka kedan senhor ida ho naran inisial M.M, hodi sukat kedan ukuran (medidas) KELILING (LINGKARAN) husi belak mean rua.

Entaun, iha 21 Fevereiru 1994, hau halo tuir orientasaun, kontaktu direta Senhor MM, hodi foti belak mean rua, no sukat kedan belak mean rua ne'e ninia ukuran KELILING (LINGKARAN).

Belak mean rua ne'e, ho Lian Kemak(a), ida naran MALINAPA.

Ida fali naran DASARAE. Iha hau nia vida, primeira vez hau haree Malinapa ho Dasarae, iha loron Segunda, 21 Fevereiru 1994.

Iha momentu neba, hau lori fita metru sukat Malinapa ho Dasarae, ninia rezultadu mak ne'e:, belak mean ida ninia ukuran Keliling (Lingkaran) = 42 cm, no belak mean ida seluk fali, ninia ukuran Keliling (Lingkaran) = 35 cm.

Fatin sukat belak mean rua nee, hala'o iha situs (fatin) nebe Nai Jesus Cristo hatudu Aan mai hau pela primeira vez, iha loron Domingo, data 7 Jullu 1996 (hanesan hau haktuir dala hira ona).

SERA-KE IDA NE'E KO-INSIDENSIA?

Iha 5 Maiu 2016, iha loron komemorasaun ba dala 17 "New York Agreement" (New York Agreement assina iha iha Nova Yorke Amerika, iha 5 Maiu 1999), hau husu ajuda ba hau nia belun diak SBY (Sang Bangsawan Yahudi), hodi soe osan (moedas) dala 7-7, iha Aeroportu Internasional Nicolau Lobato Dili. Rezultadu soe osan moedas, belun sira bele haree iha fotografia anexu.

Ida neba, husi parte nebe simboliza LAFAEK, ninia rezultadu = 42.

No husi parte nebe simboliza GARUDA, ninia rezultadu = 35.

Pergunta mak ne'e: "Tamba sa mak rezultadu husi soe osan iha 5 Maiu 2016, refleta loloos fali medidas (ukuran) "Keliling" (Lingkaran) husi belak mean rua (Malinapa ho Dasarae).

"Sera-ke rezultadu 42:35 ne'e akontese tamba ko-insidensia deit? Ka 42:35 ne'e mosu tamba intervensaun husi Nai Maromak?"