TENKE EVITA PRATIKA MONOPOLI NE'EBE HAMOSU HEGEMONIA

Kolega balun, depois de lee tiha artigu tuan, edisaun 10 Agostu 2020 ne'ebe hau share iha hau nia akun face book (bele klik iha link ida nee: https://www.facebook.com/antoninho.rego.1/posts/309795013558285), husu nune'e: "Tinan 2021 ne'e mestre fo ezame Proposal Monografia ba estudantes nain hira?"

 Hau nia resposta mak tuir mai nee:

 Tinan 2021, hau so fo deit mak "jatah" "orientasaun" (Bimbingan Penulisan Skripsi). Mas ezame Proposal Monografia, hau la hetan "jatah". Tinan kotuk (2020), hau hetan "jatah" ba fo ezame Proposal, nomos ezame Monografia.

 PRESIZA DESEÑA SASUKAT

 Hau rasik la hatene, razaun lolos nee saida? Mas tuir info (lia anin) ne'ebe hau rona, dehan dosentes permanente sira nebe hetan "jatah" ba fo ezame, tantu ezame Proposal ka ezame Monografia, so dosentes kualifikadu nebe prienxe rekezitus (kriteria). Mas ba dosentes sira ne'ebe la prienxe rekezitus, labele halo parte iha ezame Monografia.

 Ida ne'e fas parte husi Programa Reforma Kualidade iha Unpaz. So buat ida-ke ladauk klaru ne'e mak standarizasaun nebe uza hodi sai sasukat ba defini dosentes sira nia kualifikasaun, atu nune'e ita bele utiliza nudar mata-dalan (guide line) hodi determina, dosentes ne'ebe mak kualifikadu fo ezame Monografia, no dosentes ne'ebe mak la kualifikadu.

 Inklui mos kada dosente, tenki fo ezame ba estudantes nain hira, atu nune'e evita "monopolia (labele iha dosentes balun borong hotu fali ezame Monografia., no rezulta dosentes balun la hetan "jatah" fo ezame Monografia). Sem regras ne'ebe regula ema hotu nian hahalok, bele mosu hahalok monopolia ne'ebe rezulta hegemonia, no nufim viola assuntus hirak tuir mai ne'e:

1. Dever dosentes.

2. Direitu dosentes.

3. Justisa (keadilan) ne'ebe liga ba "proporsionalidade". Dosente ida ezame ema nain hira? Oinsa atu ema hatene "justu" ka lae, proporsional ka lae, ne'e depende ba transparansia desizaun.

 Pur ezemplu, Autoridade Fakuldade, taka avizu abertamente (pur eskrita) iha "papan pengumuman", kona-ba naran kada dosentes ho naran finalista ne'ebe nia atu fo ezame Monografia. Atu nune'e ema hotu iha asesu ba informasun ne'ebe kredibel no balansu.

 

REKOMENDASAUN

Hau atu sujere deit, karik possibel, Autoridade Fakuldade (FSP) presiza design mata-dalan propria ida kona-ba assuntu refere, depois lori ba plenaria hodi hetan ninia legalizasaun. Atu nune'e kada desizaun ne'ebe Autoridade Fakuldade foti, hodi halo klassifikasaun ba dosentes sira, tenke subliña ba standarizasaun ne'ebe iha baze legais. Baze legais ne'e sukat ho saida? Sukat husi desizaun ne'ebe foti atraves plenaria ida ne'ebe involve minimu 2/3 dosentes permanentes sira tenki marka presenza.

In other words I want to say: "Para justu nomos evita problema entre ita, diak liu, kada desizaun tenki bazeia ba referensia, la'os bazeia ba preferensia.

Thank you for asking. God bless us all.