Postingan
Artigu serial ida nee atu tenta hodi fo resposta ba belun sira nebe husu dehan: " Tamba-sa mak UNPAZ konvida deit Dr. Ramos Horta? Nusa mak labele konvida hotu Prezidente Lu-Olo?"
Iha parte dahuluk nee, pergunta refere ladauk hetan ninia resposta. Parese iha parte daruak ou datoluk mak belun sira bele hetan resposta kona-ba pergunta refere.
=================================
Prof. Em. Dr. Jose Manuel Ramos Horta Haluha Tiha
=================================
Iha dia 30 Marsu 2022, iha momentu tuir Seminariu Nasional ho thema: "Dezafius no Oportunidade ba Timor Leste Iha Tinan 2022 - 2027, hau konsentrasi full hodi rona Dr. Ramos Horta koalia nudar Orador Prinsipal iha eventu refere. Hau konsentrasi full tamba loron ida antes (29 Marsu 2022), Avo Misterio mosu mai, fo hatene dehan, "Aban Ramos Horta sei la temi fatin bla...bla..bla nia naran". Hau atu buktikan, sera-ke Dr. Ramos Horta la temi duni fatin refere nia naran hanesan mensajen husi "Avo Misterio"?
Iha nia diskursu, Laureadu Nobel da Paz nee temi fatin barak iha mundu nebe Dr. Ramos Horta pernah ba. Lima benua nee Katuas temi hotu (Azia, Australia, Amerika, Afrika ho Eropa). Iha momentu temi to'o Isarel, Katuas dehan: "Hau ba to'o Israel ho paizes barak iha Middle East, hau foin sente duni katak, fronteiras entre Israel ho paizes Arabia sira, Anju deit mos lakohi ba karik".
Iha fatin barak iha Timor Leste nebe Prof. Ramos Horta pernah hela ba, ou sekedar pernah mampir ba, Katuas temi hotu. Mas anehnya, fatin ida nebe tuir lolos Katuas tenki temi iha ninia diskursu, Katuas nein temi. Dala ida deit mos lae. Aneh...!!! Entaun Avo Misterio dehan loos duni. Hau la hatene tamba sa mak Prof. Ramos Horta labele temi fatin refere? Sera-ke Katuas haluha, ou intensionalmente (dengan sengaja), Katuas mak lakohi temi.
Seminariu hotu tiha, tama ba iha sesion asina dokumentus oin rua mak hanesan:
1. Dokumentu Harii Eskola Xadrez Unpaz.
2. Dokumentu President Cup 2022.
Tuir lolos nee era-ke atu asina dokumentus tolu (3). Mas dokumentu ida fali kona-ba Adezaun Timor Leste ba ASEAN, Prof. Ramos Horta labele asina, tamba Avo Misterio mak haruka kansela tiha, tamba deit Prof. Ramos Horta la temi fatin importante ida iha Timor Leste iha ninia diskursu. No atu asina dokumentu refere, tenki muda fali ba 18 Abril 2022.
Pergunta mak nee; "Sera-ke Prof. Ramos Horta iha disponivilidade sei mai fali UNPAZ iha 18 Abril 2022? Se-karik diponivel mai duni, sera-ke Prof. Ramos Horta sei temi fatin refere nia naran kalae?"
AVO MISTERIO HARUKA KANSELA
Iha dia 29 Marsu 2022, depois de enkontru hamutuk ho Magnifiku Reitor UNPAZ, Prezidente Fundasaun Neon Metin ho nia Vice, hamutuk ho Ekipa Susesu husi Prof. Ramos Horta, hau komesa dezeña dokumentus hirak nebe sei asina iha 30 Marsu 2022. Hau dezeña dokumentus hamutuk tolu (3).
Mas dokumentu ida fali kona-ba Adezaun Timor Leste ba ASEAN, Avo Misterio mak kansela tiha, ho razaun tamba Prof. Ramos Horta haluha temi fatin importante ida iha Timor Leste nee nia naran.
Iha 29 Marsu kalan, iha momentu dokumentus tolu (3) prontu ona, teki-teki Avo Misterio mosu mai, haruka hau foti material rua husi OSY (Oratorio Santo Yosef). Husi material rua ne'e, material ida mak livru ho titulu LOURDES: Madu Dari Gunung Batu, nebe nia kapa hau anexu iha nee. Material ida fali, sei segredu hela. Hau ladauk bele hatudu (publika) ou mensiona iha nee, mas iha ninia diskursu, Dr. Ramos Horta temi tiha ona material refere nia naran hanesan istoria hau haktuir iha okos.
Depois Avo dehan nune'e:
"Aban O ba tuur, O rona didiak Ramos Horta nia diskursu. Durante nia diskursu, nia sei temi fatin hotu iha mundu. Nia sei temi hotu fatin barak iha Timor Leste, mas fatin ida nebe iha segredu boot ida Nai MAROMAK rai hela iha neba hanesan hakerek nanis iha Biblia, no fatin segredu nee nia naran refere ba testu: "Madu Dari Gunung Batu" hanesan hakerek iha livru nee, Ramos Horta sei la temi. Atu temi deit dala ida mos lae. Mas Ramos Horta sei temi material ida O kaer hela nee nia naran iha ninia diskursu. Tamba Ramos Horta la temi fatin nee nia naran, entaun prioridade nebe Ramos Horta atu lori Timor Leste adere ba ASEAN, sei labele realiza. Dokumentu ida nee, O labele lori ba fo Ramos Horta asina lai. O rai hela dokumentu nee, lori fali ba iha 18 Abril 2022. Se 18 Abril 2022 Ramos Horta mai fali UNPAZ mak Ramos Horta temi fatin nee nia naran iha ninia diskursu, O foin bele fo dokumentu nee ba Ramos Horta asina. Mas se nia la temi nafatin, O labele fo dokumentu nee nia asina, no Timor Leste sei ladauk bele adere ba ASEAN.
MORIS IHA DILI - LA'OS IHA NATARBORA
Iha ninia introdusaun, Prof. Ramos Horta dehan; "Iha loron ida ema konvida hau ba tuir eventu ida, hau haree iha didi lolon, ema hakerek sala kona-ba hau nia fatin moris. Dehan hau moris iha Natarbora. Iha momentu hau moris, Natarbora neba sei ailaran fuik. Halo nusa mak hau bele moris fali iha Natarbora? Hau moris iha Dili. Katuas koalia ho hamanasa.
Iha parte seluk, Prof. Ramos Horta konta nia istoria komik oan ida. Katuas dehan, hau sei kiik kuandu ami ba foho, ami atu fila, hau nia maun fo naan rusa. Hau nia maun dehan, lori naan rusa ne ba Dili, faan hodi selu Onia eskola. Mas ami atu fila mai Dili, hau nia maun halo tauk ami ho nia istoria ida-ke too ohin loron nunka akontese mai hau.
========================================
Hau nia maun dehan, imi fila ba Dili lori ho naan nee, koidadu mak durhui duni imi. Atu salva imi nia aan, asin-ke imi haree durhui, imi tenki halai tama iha au laran. Rona ida nee, ami tauk loos. Nebe fila mai Dili, ami tenta, buka oinsa ami tenki lao besik dalan nebe iha au laran, atu nunee, karik durhui mosu mai, ami bele halai tama kedan ba au laran. Mas afinal hau nia maun halo tauk deit ami. Tamba to'o ohin loron, durhui nunka duni tok hau.
======================================
Atu informa deit ba belun sira, katak material segredu nebe Avo Misterio haruka hau foti husi OSY (Oratorio Santo Yosef), hodi kaer hamutuk ho livru "LOURDES: Mddu Dari Gunung Batu", nebe tuir Avo Misterio nia mensajen, Prof. Ramos Horta sei temi iha ninia diskursu, Prof. Ramos Horta temi duni iha paragraf nebe hau batasi (limita) tiha ho garis putus-putus iha leten. Hau heran loos, halo nusa mak Avo bele koalia loos buat nebe Laureadu Nobel da Paz nee atu temi iha nia diskursu.
Ita kuntinua;
Dr. Ramos Horta kuntinua ho nia istoria komik hodi dehan;
"Hau sae kuda hodi lori naan rusa nee to'o mai Dili. Mas komu hau laiha 'bakat' (keda) atu halo negosiu, entaun hau konfuzaun los, oinsa hau bele faan naan rusa nee? Hau tenki faan ho folin hira? Entaun hau ba buka hau nia kolega diak ida (se hau la rona sala, naran Mauhudu), amirua lori naan rusa nee ba faan iha China ida naran "China Mamador". Nia naran "China Mamador", tamba nia mama hela deit. Ami rua faan ho folin "mil eskudus". Iha tempu neba, mil eskudus nee osan boot. Ami rua simu tiha mil eskudus ne'e, ami rua ba haan tiha iha restaurante china nian ida iha Dili laran.
Iha parte seluk, Prof. Ramos Horta konta dehan sira sei kiik, sira joga bola. Sira nia bola mak jambu fuan boot nee. Ami joga namanas hela mak Nicolau Lobato mosu mai, ami tenki para hotu.
Diskursu hohuu iha dez oras ital, no hotu iha doze oras liu minutu sanulu resin haat (12:14), bazeia ba marka nebe mosu hau nia cellphone. Depois kuntinua ho ajenda asina dokumentus.
Bazeia ba mensajen husi Avo Misterio katak: "Atu hakat ba asina dokumentus nee, O tenki mensiona (temi) tiha naran husi fatin ida nebe Ramos Horta la mensiona durante nia diskursu".
Nebe iha momentu Magnifiku Reitor bolu hau sae ba palku hodi asina dokumentus rua nee (hanesan belun sira bele haree iha video pedasauk hau shared hela iha hau nia timeline), hau tuur tiha Prof. Ramos Horta nia sorin, asin-ke Katuas lolon liman mai hau, amirua kaer liman, hau haliis uitoan ba Katuas hodi dehan; "Deskulpa Sua Exelensia. Atan hau husi...bla...bla...bla...bla..." Asin-ke Laureadu Nobel da Paz ne'e rona naran nebe hau temi, Katuas lolon nia liman mai tulla tiha mai hau nia kabaas, sambil "tersenyum".
Hau khawatir buat ida deit; "Keta halo ba be, Prof. Ramos Horta la temi fatin importante nee nia naran, iha segunda ronda, kemenangan (vitoria) fila fali ba Nai Prezidente Lu-Olo. "Nobody knows for sure. Only God knows".
Mas yang jelas, gara-gara haluha temi fatin refere iha dia 30 Marsu 2022, drama boot sei mosu depois de Eleisoens Prezidensial. Kalau pun Prof. Ramos Horta manan, mas sei enfrenta dezafius boot. Ilustrasaun diak mak: "Katuas sei ukun entre espada no parede".
Sei kuntinua;
Tidak ada komentar:
Posting Komentar