"SEE LOOS MAK MANU AMAN METAN NEE?"

Iha 30 Marsu 2022, SE. Dr. Jose Manuel Ramos Horta mai halao Seminariu ida iha UNPAZ (Universidade da Paz). Dr. Ramos Horta mak sai Orador Prinsipal iha Seminriu refere. Depois de Seminariu remata, ami nain tolu (Dr. Ramos Horta, Reitor UNPAZ no hau), asina dokumentus rua mak hanesan:

1. Dokumentu harii Eskola Xadrez Unpaz.

2. Dokumentu President Cup.

MANU AMAN TOLU (3) HO POSIZAUN INTEREZANTES

Iha loron refere (30 Marsu 2022), iha dader, pas atu sai husi uma, hau haree manu aman tolu (3) ho sira nia posizaun nebe interezantes, hanesan belun sira bele haree iha fotografia anexu iha nee:

Manu aman mean, refere ba Nai Prezidente Lu-Olo, tuun ona husi Palku leten, hamriik hela iha rai. Iha Palku leten, iha manu aman rua. Ida koor mutin, refere ba Dr. Ramos Horta. Manu aman mutin hamriik loos iha Palku nia klaran (sentru). Enkuantu manu aman ida fali koor metan, hamriik loos iha Palku nia ninin. Husi figura refere, mosu perguntas neen (6):

1. Manu aman metan nee refere ba see los?

2. Tamba sa mak nia koor tenki metan? Nusa la koor seluk?

3. Tamba sa mak manu aman metan tenki iha Palku leten hotu?

4. Tamba sa mak manu aman metan tenki hamriik iha los ninin?

5. Tamba sa mak manu aman metan see fali nia k?d?n ba manu aman mutin atu horon, mas manu aman mutin fila tiha nia ulun ba sorin, lakohi horon?

6. Tamba sa mak manu aman mean nebe hamriik hela iha rai, ita haree ba forte los. Hamrik sama rai metin?

KONKLUZAUN

"Never stop learning, because life never stop teaching". Posizaun ho konfigurasaun nebe hatudu liu husi manu aman tolu (3) iha fotografias anexu, lori mensajen husi mundu seluk (pesan dari dunia lain).

SUJESTAUN

Hau hasai fotografia nee husi kareta laran. Atu aranka ona mak, husi kareta laran, hau haree hetan fali manu aman tolu nee.

Bazeia ba posizaun manu aman metan, nebe hamriik los iha ninin, ita hotu tenki hasae orasun ba Nai MAROMAK.

Obrigadu wain ba belun sira nebe lee ona hau nia artigu. Abrasu forte.