ELEISOENS PARLAMENTAR 2023 SEI PRODUZ KONFIGURASAUN POLITICAL PROSTITUTION (PELACURAN POLITIK) HO ESTILUS 69

 

By. Rama Cristo.

A. Prefasiu

=======

Lee nain sira tenke intende didiak diferensas entre political affair (perselingkuhan politik), no political prostitution (pelacuran politik), nomos tenke iha sentidu no konsiensia forte, kona-ba: saida mak sei mosu husi political affair (perselingkuhan politik), no saida mak sei mosu husi political prostitution (pelacuran politik).

Anyway....Timor nia riku-soin sei nakonu iha tasi laran mos ukun nain sira la konsege reduz pobreza tamba akontese bebeik political affair no political prostitution. Pobreza aumenta ba

bebeik. Timor nia dividas (tusan) mos aumenta ba bebeik no nufin sei fo todan boot ba jerasaun futuru. Ainda mais riku soin atu maran dadaun ona, oinsa ukun nain sira atu hadiak povu nia moris? Ukun nain sira atu halo millagre?? No way..!! Ukun nain sira la'os JESUS.

Ho realidade ida nee, ita bele halo previsaun ida katak, linguajen nebe politiku nain sira sei uza iha kampanha mai agora, pasti LOHI no BOSOK mak barak. Agora depende ba povu. Hakarak hili nafatin lohidor no bosokteen sira, ou hakarak hili ema seluk.

B. Konfigurasaun 69 Sei Halo Ukun Nain Sira Haluha Povu

=====================================

Entretantu, saida mak sei akontese iha futuru, depois de Partidu ida manan Eleisoens Parlamentar 2023 kaer ukun?

Buat nebe sei akontese maka nee;

1. Partidu manan nain sei forma AMP (Aliansa Maioria Parlamentar) da neen, no hahoris Governu Dasia (Kabinet ke-9) hodi kaer ukun, tamba laiha partidu ida-ke manan ho maioria abzoluta. Kauzas hirak nebe sei impede hodi la mosu manan nain ho maioria abzoluta, iha tolu: (a). Iha posibilidade, taxa golput aumenta. (b). Iha posibilidade akontese exodus votantes nebe sai husi partidu balun, ba fali partidu seluk. (c). Iha posibilidade mosu partidu foun nebe fo influensias ba distribuisoens votus. Karik iha lider balun konfia aan hodi garaganta dehan ninia partidu sei manan maioria abzoluta, nee retorika deit, tamba sei la akontese. Sekedar halo kontente aan, husik ba, laiha buat ida. Buat nanal rutin laiha nee (tongue has no bone), see deit bele koalia. So uluk karik. Agora araska los.

2. Depois de Governu Dasia hahuu ninia governasaun, surpreza foun sei la akontese, katak fila ba fila mai, ita maka maka nunee hela deit. Ukun nain sira reza nafatin Misteriu Gozozu. Povu kiik sira reza nafatin Misteriu Dolorozu. Ema riku sei riku ba bebeik, no ema kiak, aleinde sei kiak ba bebeik, nomos kiak foun sei aumenta ba bebeik. Se nune, entaun funsoens eleisoens ne saida? Funsoens eleisoens kada tinan 5 nee, laos atu halo mudansa iha sosiedade, maibee ita tenke halao eleisoens hodi kumpri deit ejizensia demokrasia, tamba ita opta sistema demokrasia.

3. Karik iha ema oin foun ruma involve iha Governu Dasia, nee katak ema riku foun (orang kaya baru) sei aumenta. Buat nee sai tiha ona hanesan kultura iha Timor Leste desde Timor Leste restaura ninia independensia. Bai-bain (maioria), ema oin foun sira, fofoun involve ba iha governu ka sai membru parlamentu, buat ida laiha. Nia moris simples. Mas depois de involve iha governu ou parlamentu, inklui sai asessor/a, iha mudansa bot iha ninia vida. Bankaria komesa mahar, karreta komesa foun, uma mos komesa foun luxu no andar, nomos feen ho oan sira hatais roupa mesak branded deit. Karik hau ida hakerek dadauk artigu nee (Rama Cristo) mak ba involve iha governu ka parlamentu mai agora, fenomena ida nee mak sei akontese mai hau,. Sees mak ladiak (unevitable). Tamba laos hau mak kanteen no hedonis, maibe hau involve iha sistema nebe permite no favorabel ba hau hodi halo hau moris diak.

4. Polical prostitution (Pelacuran politik) ho konfigurasaun estilus 69, sei akontese. Katak political affair (perselingkuhan politikou ), hetok liu tan bolu naran: political prostitution (pelacuran politik), entre Lejislativu (Parlamentu) ho Exekutivu (Governu) sei akontese hanesan kultura politika nebe mosu nanis tiha ona iha anterior, tamba bai-bain, AMP (Aliansa Maioria Parlamentar) mak hahoris Governu. Nebe imposibel atu Governu kontra fali AMP nia politika. Iha kampanha, sira dehan atu luta ba povu nia intreses. Mas depois de eleitu, tamba sistema obriga, ema sira ne tenki lambe fali sira nia kabeen hodi luta ba parte seluk nia intreses. Pelacuran politik iha periodu mai nee sei hetok liu tan, tamba mosu konfigurasaun pelacuran politika ho estilus "69". Lejislatura da-6 mak sei hahoris Governu da-9. Style 69 nee, sei produz enerjia nebee furak no gostu demais, rezulta ukun nain sira sei sai disorientadu no haluha tiha povu kiik nia intreses. Belun sira imajina rasik ba, saida mak sei mosu kuandu pelacuran politik ho konfigurasaun 69 mak kaer ukun.

C. Rezumu Simples

=============

Sei laiha mudansa pozitivu iha Governu Dasia. Katak ukun nain sira sei reza nafatin Misteriu Gozozu, no povu kiik sira laos deit sei halerik hodi reza nafatin Misteriu Doloroza tinan ba tinan, maibe sei halerik liu tan, tamba Konfigurasaun 69 sei halo ukun nain sira sai disorientadu no haluha povu kiik nia intreses.

D. Sujestaun Simples

=============

a. Ba povu aileba sira nebe sente aan "always betrayed" (selalu dihianati), nee katak, imi hili bebeik ema nebe laiha moral. Entaun hau sujere, diak liu sai golput, duke moras mental tamba hili ema moral laiha. Sai golput ne la pekadu, tamba golput nee la hakerek iha Dez Mandamentus nebe Profeta Moises simu iha Foho Sinai.

b. Partidus hirak nebe forma APE (Aliansa Pra Election), fasil tebes atu manan Eleisoens Parlamentar 2023. Entretantu, ba partidus politika sira nebe iha ideolojia hanesan, iha deseju hanesan, iha gostu hanesan, no hakarak tebes manan Eleisoens Parlamentar 2023, hau sujere, diak liu forma kedan APE (Aliansa Pra Election). Nee ulun la moras. Manan tiha ba mak atu halo 69 ba mos, importante manan tiha lai. Duke mantein idealizmu mas depois: "sakitnya itu di sini" (Hananu Cita Citata).

c. Jurkam husi partidu boot sira nebe kaer nanis tiha ona ukun, hau fo hanoin deit.. atu diak liu evita liafuan ida dehan nune: "Agora too ona tempu ba ita atu halo mudansa ba povu nia moris".

Linguajen ida nee mak sai husi jurkam sira mai husi partidu boot sira nebe kaer nanis ona ukun, ita sente ba komik fali. Kaer bebeik ona ukun tinan ba tinan, la halo ona buat ida, nusa mak foin agora mak koalia fali dehan: "Agora too ona tempu...???