IHA PALASIU AITARAK LARAN IHA STAF BANGSAWAN MATAHARI KA LAIHA? (Se Laiha Entaun Sei Mosu Drama Boot Iha Futuru)

By: Rama Cristo.

A. Prefasiu

=========

Ohin, 7 Janeiru 2023, aniversariu Santa Maria Bernardette Soubirous ba dala 179 (7 Janeiru 1844 - 7 Janeiru 2023). Santa Maria Bernardette Soubirous, labarik feto tinan 14 nebe Inan Virgem Maria Santissima (Imaculatta Conception) hatudu aan ba nia dala 18 iha Lourdes Fransa (Perancis). Husi hatudu aan dala 18 nee, primeira aparisaun, akontese iha 11 Fevereiru 1858. No ultima aparisaun, akontese iha 16 Jullu 1858.

Data 7 Janeiru, data nebe hau labele haluha. Liu liu relasiona ho akontesementus estranha nebe akontese iha 7 Janeiru 2020. Saida mak akontese iha 7 Janeiru 2020? Belun sira bele sani iha artigu nebe orsida tuku 12 kalan mak hau posting. Artigu refere hau prepara tiha ona. Hakerek hotu tiha ona, mas ho Lian Indonezia. Hein orsida jam 12 (meia noite) mak posting.

Hein katak artigu nebe hau atu posting orsida tuku 12 nee, Nai Ministru balun nebe agora involve iha Gabinete Oitavu (hau la temi Oitavu Konstitusional), bele sani hotu. Razaun saida mak tenke sani? Orsida lee deit iha neba.

B. Nai MAROMAK Nia Propria Obra

===========================

Atan hau respeita parte hotu hotu ou komponentes hotu-hotu, inklui movimentus hotu-hotu nebee ho esforsu tomak lori ona Nai Laureadu Nobel da Paz, DR. Jose Manuel Ramos Horta, ba tuur ona iha Palasiu Aitarak Laran. Inklui Maun Bot Kayrala Xanana Gusmao ninia involvementus masimu.

Mas husi hau nia pontu de vista, ho hakraik aan hau atu dehan, susesu boot nebe DR. Jose Manuel Ramos Horta hetan iha Eleisoens Prezidensial 2022, ninia uniku kauza prima mak Nai MAROMAK. Parte seluk nia kontribuisaun nee, hanesan komplementer deit. Halo kompletu deit. Belun sira atu konkorda ho hau nia pontu de vista nee ou lae, ba hau laiha problemas nein nada. Hau nia pontu de vista nee hetan formasaun husi Dokumentu nebe Ministeriu Justisa mak hasai iha 3 Agostu 2017. Orsida hau sei anexu dokumentu refere hodi publika ba publiku, pela primeira vez. Durante nee hau nunka publika dokumentu refere ba publiku. Dokumentu refere, sai hanesan salah satu referensi ba hau hodi publika artikel ida iha 5 Dezembru 2019, husi New Delhi India, katak sei la mosu Prezidente oin foun iha Eleisoens Prezidensial 2022. Iha momentu neba, asinke artigu refere esoalladu, haters sira bully hau rahun didiak. Sira dehan, ladauk iha TL nia istoria, Eleisoens Prezidensial, la mosu Prezidente oin foun.

Haters sira kala hanoin, hau naran siik tuun, siik sa'e, siik tesik. Padahal hau kaer metin hela ID(entitas) DR. Jose Manuel Ramos Horta, nebe estranhamente, mosu iha dokumentu nebe Ministeriu Justisa hasai iha 3 Agostu 2017. Hanesan mos iha futuru, antes Eleisoens Prezidensial, hau sei publika informasoens balun kona-ba ID(entitas) figura nebe atu sai manan nain iha Eleisoens Prezidensial tuir mai, bazeia ba ID(entitas) nebe marka hela iha dokumentu nebee (lagi-lagi) Ministeriu Justisa mak hasai iha 18 Jullu 2022.

C. Dokumentus Catur Mobilisasi Lakon Tiha

===================================

Iha 30 Marsu 2022, Nai Prezidente DR. Jose Manuel Ramos Horta, Magnifiku Reitor Universidade da Paz (Unpaz), Dr. Adolmando Soares Amaral, Lic. Eco., M.M., ho Rama Cristo, asina dokumentus rua iha Aula Jose Casemiro. Husi dokumentus rua nee, kada dokumentu, sira nain 3 asina ho polarizasaun 555. Polarizasaun 555 nee katak, Nai Prezidente da Republika, asina dala 5, Magnifiku Reitor Unpaz asina dala 5, no Rama Cristo, asina dala 5. Vizualizasaun husi eventu asina dokumentus rua nee, belun sira bele haree iha fotografias lubun nebe anexu iha artigu ida nee.

Mas infelizmente, depois de asina tiha dokumentus rua nee, la hatene tamba sa, somehow, entah kenapa, dokumentus rua nee lakon tiha. Hau tenta buka too fuuk hotu hamriik, mas ate a data, ate hau hakerek artigu ida nee, dokumentus rua refere, ladauk hetan. Ida nee sinal ladiak ba ami nain tolu. Espera-ke iha futuru, dokumentus refere bele hetan fali.

Mak nee deit. Obrigadu wain.

Notas Ain:

Iha fotografias lubun nebe anexu iha artigu badak ida nee, vizualiza eventus rua. Vizualizasaun ida, kona-ba hau nia sorumutu ho Ekipa Susesu, DR. Jose Manuel Ramos Horta, iha Markas Besar Xa-Ra, iha 15 Fevereiru 2022. Belun sira haree hau dada lia hela ho Senhor Virgilio Smith, Quadro Alto husi Partidu CNRT. Hau hasoru Senhor Virgilio Smith iha 15 Fevereiru 2022 nee, ba dala tolu ona.

Hasoru malu primeiru, naton sei halai iha Ailaran (Hatunipa, laos Aiede) Atsabe, Markas Besar Falintil Rejiaun 4 nebe lideradu husi Komandante Jeral Rejiaun 4, Senhor Antonino Goncalves (atual, Prezidente Assosiasaun Jurista Timor Leste). Iha momentu neba, Senhor Virgilio Smith sei joven. Enkuantu hau, sei labarik, ladauk hatene hatais underwear. Iha momentu neba, hau haree mos Senhor Duarte Nunes, Prezidente Bankada CNRT, ho nia doben, Mana Odete (bunita loos. Kala mista mak ne ka, ou malae puru mak ne ka). Senhor Duarte ho Mana Odete, taka hela manta koor abu-abu ida, toba besik ahi matan. Senhor Duarte hetan eskoltu husi Soldadus joven sira.

Hasoru malu segundu, iha Edifisiu Komissaun Homenajen, Caicoli Dili, iha 16 Jullu 2019. Iha momentu neba, Senhor Virgilio Smith asume Kargu Prezidente Komissaun Homenajen.

Hasoru malu terseiru, iha 15 Fevereiru 2022, iha Markas Besar Xa-Ra. Iha 15 Fevereiru 2022 dader, Ekipa Susesu DR. Jose Manuel Ramos Horta mak telefone hau atu halo audensia. Sira telefone hau bazeia ba hau nia karta pedidu ofisial, ho data, 11 Fevereiru 2022. Hau hakerek karta ofisial refere ho pozisaun nudar Pro Reitor Assuntus Peskiza & Publikasaun Universidade da Paz, no hau sengaja (intensionalmente) hili data 11 Fevereiru, tamba ho intensaun liga ba akontesementus istoriku tolu (3) mak hanesan tuir mai:

1. Akontesementu 11 Fevereiru 1858, iha Lourdes Fransa, iha primeira aparisaun (penampakan pertama) Inan Virgem Maria Santissima (Concebida Sem Pecado = Dikandung Tanpa Noda), ba labarik feto, Bernardette Soubirous.

2. Akontesementu 11 Fevereiru 2008, iha Dili, iha momentu Nai Prezidente, DR. Jose Manuel Ramos Horta, hetan tiru too kanek todan, no tenke lori ba halao tratamentus iha Royal Hospital Darwin Australia.

3. Akontesementu 11 Fevereiru 2018, iha Rumah Tua Yosua Dili, iha momentu ema nia aman nain 3 (Irmaun Jose Leong, Companheiro SBY, no Rama Cristo), soe osan (moedas), mosu Nai JESUS CRISTO Nia Liman Direita no Nia Ain Eskerda iha simente leten (di atas lantai) Rumah Tua Yosua Dili, fatin nebe Maun Boot Kayrala Xanana Gusmao pernah ba vizita dala rua. Vizita primeiru, iha 28 Abril 2018, iha momentu Maun Bot Xanana goin gila husi Amerika, iha 27 Abril 2018. Vizita segundu, iha 12 Maiu 2018 (loron EA).

Fotografias sira seluk, vizualiza eventu ami nain tolu asina dokumentus rua iha 30 Marsu 2022, iha Aula Jose Casemiro, Universidade da Paz, Osindo I Manleuana. Mas infelizmente, dokumentus nee lakon tiha. Nee sinal ladiak.

Tamba nee mak atraves artigu ida nee, hau atu husu deit: "Iha Palasiu Aitarak Laran, agora dadaun, husi Cleaner to Nai Prezidente, se loos mak "Keturunan Bangsawan Matahari". Se nein Staf ida nia raan "Keturunan Bangsawan Matahari", entaun liga ho akontesementu estranha, 7 Janeiru 2020, katak sei mosu drama boot iha futuru. Ainda mais, iha 18 Novemvru 2022, Nai Prezidente da Republika la marka prezensa hamutuk ho Maun Boot Xanana, iha Kampus Unpaz. Ba hau pessoal, Nai Prezidente da Republika la marka prezensa nee, iha Luan Kemak(a), hau bolu naran: "Leaving after having fun". Ida nee idiom ida, nebe iha Lian Indonezia, ema dehan: "Habis manis sepah dibuang".

Entretantu, Timor oan sira tenke reza forte. Mak nee deit. Obrigadu wain.