CATATAN DI LUAR NALAR (Civitas Akademika Unpaz Tenki Reza Barak) 1

Iha 12 Dezembru 2020, pur volta de 3 oras madrugada hau hetan mehi estranho. Katuas fuk mutin ida, hatais mutin hotu, mosu mai dehan nune: 

 

"O atu ba tuir Yudisium, O tenki hatais faru ida lori mai husi Englatera, ho kalsa simbolu Riku Soin Salomao. Hatais mos jas no gravata ida nee (Katuas koalia sambil hatudu sasan sira Nia temi nee)".

Depois Katuas dehan tan: 

 

"O too ba odamatan Ceepaz, Fitun David hein hela iha odamatan. O tenki hasai fotografia hodi rai hela ba arkivu. Orsida, O sei ba tau ain iha Doutor Lucas nia monumen. O tenki ba. Keta sees, tamba assin-ke O tau ain iha Doutor Lucas nia monumen, Riku-Soin Salomao sei mosu". 

 

Hato'o tiha mensajen nee, ho mensajen balun nebe sei segredu hela, Avo Misterio lakon tiha husi hau nia mehi. Hakfodak mai, hau la toba too loron. Fila ba fila mai mas ladukur. 

 

Prontu... hau mos kumpri, halo tuir hotu mensajen ne'ebe Avo Misterio hato'o. Padahal roupa be prepara tiha ona atu hatais ba tuir Yudisium Fakuldade Saude Publika ba dala 14 nee, laos roupa ne'ebe Avo Misterio temi iha mehi laran. 

 

Dader sai husi uma, hau "kepo" ida aat nian. "Kepo tingkat dewa". Hau to'o ba area kampus, fuan tuku-tuku fuik nian. Hau imajina la hetan. FITUN DAVID oinsa mak hein hela hau iha odamatan Ceepaz??? Komu edifisiu Ceepaz iha "lantai dua" (second floor), hau to'o ba parkiran, hau hateke ba leten, mas iha odamatan Ceepaz, hau la haree buat ruma, ou ema ruma. Sa-tan Fitun David. 

 

Hau hakat sae eskada, fuan semakin fekit . Hau sae to'o lantai dua, hakat ba odamatan Ceepaz, hau ladauk haree buat ida. Kok mamuk hela?? Buat ida laiha. 

 

Hau hasai xave, atu loke odamatan, hau haree ba sa, buat ida tabele hela iha odamatan. Afinal Fitun David ida Avo Misterio dehan hein hela iha odamatan mak nee...Hau fihir didiak buat nee nia modelu, ninia forma (bentuk) la hanesan Fitun David. Nia bentuk hanesan SEGITIGA. Atu forma Fitun David, tenki presiza modelu hanesan ida tan. 

 

Prontu... hau la jadi loke odamatan. Hau tenki hasai tiha foto lai hodi dokumenta hela (arkivu) tuir Avo Misterio nia mensajen. Atu hasai fotografia, hau tenki rai hela lai hau nia laptop ba iha rai (lantai). Assin-ke atu hatun laptop ba rai, hau haree ba sa, buat nee ida iha hela rai. Hau hakfodak. Afinal nia pasangan mak nee hela. Buat rua nee nia modelu hanesan lolos. Kor (warna) mos hanesan. "Ukuran" mos hanesan. Sama persis. Buat rua nee bele forma ona Fitun David. 

 

Sei kuntinua...