Postingan
Pur ezemplu, husi CNRT, Avo Nana avansa. Ou karik Avo Nana lakohi avansa, Avo Nana bele husu Avo Ramos Horta mak avansa. Husi Fretilin, Prezidente Lu-Olo bele avansa fila fali. Ou se-karik Prezidente Lu-Olo lakohi avansa fila fali, Fretilin bele kandidata Jeneral Lere mak avansa.
Figuras hirak hau mensiona iha leten, figuras hirak nebe mai husi "Jerasaun Tuan". La'os jerasaun foun. Hau esplisita "jerasaun tuan" iha hau nia artigu ida ne'e, la'os tamba hau la valoriza "jerasaun foun" sira, ou la'os tamba hau hakerek tuir hau nia preferesnia (gostu pessoal), maibe tamba hau subliña ba natureza nia regras.
Jerasaun foun sira
nebe atu avansa karik, keta dezanima. Podeser jerasaun foun sira nia tempu mak
ladauk to'o. Buat ida naran evolusaun natureza ne'e, la'o tuir ninia regras
propria kedan.
Hau atu dehan, "batalla entre jerasaun tuan sira", pasti rame. Rame nee, laos tamba deit fator figuras hirak hau mensiona iha leten, maibe tamba polarizasaun dinamika politika nebe mosu husi 2017 to'o agora, forma tiha ona konfigurasaun ida-ke "furak".
Konfigurasaun furak nebe hau intende iha ne'e, la'os konfigurasaun furak nebe atu lori Timor Leste ba oin. Ou atu rekupera no transforma Timor Leste husi estadu falladu (failed state) sai estadu produtivu, maibe atu lori TL ba estadu falladu nebe grave liu tan.
Ho linguajen seluk hau atu dehan nune, figura see deit mak atu manan iha Eleisoens Prezidensial 2022, sei labele halo mudansa signifikativu hodi hamosu mudansa pozitiva.
Dinamika politika rai ida nee, pasca Eleisoens Prezidensiais 2022, sei hamosu fila fali polarizasaun foun ida nebe sei rezulta polemika ida komplikadu tebes.
Referensia nebe sai baze ba hau nian hipothesa, hau adopta husi "simbolu importante" ida iha Unpaz nebe durante nee, hau konsidera hanesan "Referendu nia abut". Mas enfelizmente, simbolu refere, Unpaz losu no halo rahun tiha ona.
Simbolu importante ida rahun nee mak sai referensia ba hau hodi hamosu termus nebe hau bolu naran "Murka Tuhan" (Italia sai kampiaun iha eventu Euro Cup 2020).
Belun sira nebe
hakarak lee fali assuntu "Murka Tuhan" nebe hau hato'o atraves artigu
ida hau posting iha 11 Jullu 2021 (um dia antes final Euro Cup 2021). Bele klik
iha link ida nee: https://www.facebook.com/groups/105098076532131/posts/1446108632431062.
Termus "Murka
Tuhan" ninia abut ne'e, hau uza referensia Filsuf Eksistensialis Jerman,
Martin Heidegger nia teoria, nebe hato'o liu husi nia livru ho titulu: BEING
and TIME, hodi junta hamutuk akontesemnetu estrañu iha 12 Jullu 2017 iha Bali
no akontesementu 12 Jullu 2021 iha final Euro Cup 2020, iha London UK.
Akontesementu estrañu iha Aeroportu Internasional Ngurah Rai Bali, iha loron 12
Jullu 2017, bele lee iha link ida ne'e:
https://www.facebook.com/antoninho.rego.1/posts/133592207845234.
Ba hau pessoal, Unpaz losu no halo rahun tiha simbolu importante nebe simboliza referendu nia abut, hanesan sinais (mensajen) importante husi natureza, hodi xama atensaun ba ita hotu, katak Timor Leste sei enfrenta situasaun nebe defisil liu tan iha futuru. Liu-liu povu kiik sira mak sei sofre todan.
NAI MAROMAK MAK KAUZA PRIMA
Hau nia perspetiva pessoal: "Estadu ida nee hamriik, tamba Nai Maromak Nia obra propria. Nai Maromak mak sai "kauza prima" ba Timor nia evolusaun. Ita emar hanesan fator komplementer deit".
Notas Ain:
Artigu ida ne'e hau posting mos iha hau nia laman face book. Belun sira hakarak lee versaun face book, bele klik iha ne'e:
https://www.facebook.com/antoninho.rego.1/posts/533138591223925
Tidak ada komentar:
Posting Komentar