Postingan
 |
| Ultima fotografia hamutuk ho Prof. Lucas, iha loron 1 Maiu 2018, iha Saudozu nia residensia. Companheiro SBY (Sang Bangsawan Yahudi) mak hasai foto ne'e. |
Fraza ida hau hili sai títulu ba artigu ida ne'e (Fízika La'os Retorika), Saudozu Prof. Lucas da Costa, primeira Reitor Unpaz, ninia lia fuan. La’os hau nia lia fuan. Prof. Lucas alias Prof. Rama Metan (naran kodigu funu nian), hasai lia menon ida ne'e, iha Perumahan babatan Pilang, Wuyung Surabaya Jawa Timur, Indonezia, iha 19 Marsu 1998, iha konversa ida kona-ba Prof. Stephen William Hawking nian teoria. Iha area akadémiku, sasan nebe la’os ita nian, inklui lia fuan importante sira nebe la’os ita nian, ita tenki fo sai katak ida ne’e la’os ita nia lia fuan. Kuandu ita sita lema ruma, ou lia menon ruma, mak laos ita nia ideias, mai be ema nian, ita tenki mensiona ema ne’e nia naran, tamba ida ne’e sai tiha ona regras ou étika nebé vigor iha area akadémiku. Ho razaun ida ne’e mak, hau tenki mensiona iha artigu (mensajen) ida ne’e, katak fraza: “ Mahasiswa harus berpikir strategis dan bertindak taktis ”, Prof. Lucas nia lia fuan. La’os hau nia liafuan.
A. Istoria Badak Kona-Ba Prof. Lucas
Uluk, iha tempu
okupasaun Indonézia nian, Prof. Lucas konklui ninia kursu Lisensiatura (S1) iha
Fakuldade Ekonomia Undiknas Denpasar Bali (Undiknas = Universitas Pendidikan
Nasional). Prof. Lucas konklui
nia kursu Lisensiatura ho valor (IPK) Summa Cumulaude. Summa Cummulaude ne’e
katak lulus ho IPK tertinggi, dengan waktu
tercepat. Iha deit tinan 3 nia
laran, Prof. Lucas konklui ona ninia Lisensiatura (S1). Padahal Saudozu fofoun ba Bali, Saudozu la hatene
liu lian Indonézia. Zero kortadu. Mas komu Saudozu kategoriadu “la’os ema
normal”, entaun saida deit mak nia aprende, nia dumina lalais loos.
Saudozu konklui tiha nia
kursu Lisensiatura, depois nia fila fali mai Timor iha 1988, hodi servisu iha
BPD (Bank Pembangunan Daerah), mas sambil kuntinua
nafatin hala’o ninia atividades klandestina, luta ba Timor nia independensia.
B. Fundador Falintil
Saudozu uluk membru
Falintil. Iha istoria Falintil nian, Saudozu involve iha eventu funda (harii)
Falintil iha Agostu 1975. Iha tempu resistensia, Saudozu la’os mai rende, maibe
militar Indonézia mak kaptura nia iha tinan 1978 iha Natarbora.
Iha loron ida, iha
Fevereiru 1978, Saudozu lidera grupu Falintil peletaun ida, atu ba ataka
militar Indonézia nia pos iha Natarbora Manatuto, mak militar Indonézia
(RPKD/Kopassus) tiru kanek tiha nia ain. Nia anak buah sira halai lakon hotu, mas Saudozu labele
halai tamba nia ain bapa tiru kanek tiha ona.
Tamba atividades
klandestina ne’e, entaun mauhu (espiaun) sira deskobre, depois sira ba
halo laporan ba bapa, iha loron
ida, militar Indonézia kaptura tiha sira nain 3 (Arabi ida, ho Atsabe nain rua)
lori ba hatama iha sela. Orijen Arabia mak katuas Ali Alkatiri (Senhor Mari
Alkatiri nia maun), no Atsabe rua mak Prof. Lucas da Costa ho Senhor Filomeno
Gomes (husi Sub Distritu Atsabe, Suku Baboeleten). Sira nain 3 nebe bapa kaer
iha momentu neba, oras ne’e Matebean hotu ona.
Prof. Lucas hetan rekoñesementu husi estadu kona-ba Saudozu nian partisipasaun luta ba Independensia Timor Leste, liu husi Dekretu Prezidende númeru: 42/Dekretu Prezidente/IX/2019, iha dia 6 Setembru 2019. Tamba ne'e mak Saudozu nian isin halo'ot iha Jardim dos Herois Metinaro.
 |
| Premiu hirak nebe Unpaz simu husi varius instituisaun iha mundu durante Unpaz nia esistensia. |
C. Halai Tiha Ba Jawa Timur Indonézia
Bapa sulan sira nain 3
iha sela, halo inkéritu lor-loron. Bapa atu oho la jadi oho, entaun iha loron
dia, la hatene halo nusa, Prof. Lucas konsege halai sai tiha husi sela, depois
desloka liu ba Indonézia, mas la’os ba hela fali iha Bali, maibe ba liu Jawa
Timur. Ba subar iha nia “doben” ninia uma iha Jawa Timur. Nia doben ne’e, sira
koiñese malu iha momentu sira nain rua eskola hamutuk iha Undiknas Denpasar.
Sira nain rua fakuldade ida deit, angkatan (letting) mos ida deit.
Iha momentu subar iha
nia doben nia uma ne’e mak, Prof. Lucas deside hodi kuntinua nia estudu iha
nivel Mesteradu, iha Fakultas Ekonomi Unair (Universitas Airlangga). Unair ne’e
universidade estadu. La’os universidade privadu.
Prof. Lucas tama fofoun
iha Unair, ema la liga liu. Timor metan tan, la’o ain kudeik tan, kiak tan,
se-mak atu liga. Nia kolega estudantes mesteradus sira la liga liu Matebean.
Mas depois de ezame tiha primeira Semester, Matebean ninia valor sai mai, A+ husi rohan ba rohan. Entaun nia kolegas sira mos komesa halfodak
(admira). La’os nia kolegas deit mak fica admirado. Maibe ninia dosentes Mesteradu sira mos
hakfodak ho Prof. Lucas nia valor. Komesa iha neba kedan, universidades lubun
ida iha Surabaya, inklui Unair, halo ona aproximasaun ba Matebean.
Universidades sira iha Surabaya konvida Prof. Lucas hodi hanorin (sai dosente).
Entaun Matebean mos komesa hanorin mahasiswa sira.
 |
| Kampus Unpaz "old view" |
D. Mahasiswa Harus Berpikir Strategis dan Bertindak Taktis
Matebean hanorin, sambil kuliah Mesteradu. Konklui tiha iha nivel Mesteradu ho
valor Summa Cumulaude, Matebean kuntinua ba nivel Doutoramentu (S3). Nafatin
iha Unair. Area Ekonomi Manajemen.
Iha 1995 (alin sira
ladauk moris), hau hala’o hela hau nia knaar nudar Ketua Impettu Bali, nomos
sambil hala’o atividades “koskap” ( praktek sebagai dokter muda) iha Ospital Sanglah Denpasar Bali. Iha loron
ida, hau simu konvite husi Impettu Jakarta, hodi ba tuir Diskusi Panel ida iha
Jakarta. Impettu Jakarta mak sai host (uma nain) ba Diskusi Panel refere. Ketua Impettu Jakarta
iha momentu neba mak Maun Sidonio. Se hau la sala, Maun Sidonio husi Maliana.
Ketua Impettu husi fatin
hotu-hotu iha Indonézia laran, ba tuir hotu atividades Diskusi Panel ne’e.
Representante mahasiswa Timor-Timur, mak Senhor Adérito Hugo da Costa. Aktual
Membru Parlamentu Nasional husi Bankada CNRT.
Diskusi Panel hotu tiha,
atu fila mai Bali, hau mampir iha Surabaya. Hau
ba vizita Prof. Lucas. Iha okaziaun vizita ne’e, kebetulan Prof. Lucas fo bimbingan ba mahasiswa. Iha neba mak hau primeira
ves rona Prof. Lucas nia lia fuan. Nia dehan ba mahasiswa hanesan ne’e; “Jadi mahasiswa itu harus berpikir strategis dan bertindak taktis.
Kamu pilih mana: mau jadi ahli ekonomi? Atau mau mendapat nia lai bagus?”
Buku berjudul: A BRIEF HISTORY OF TIME,
adalah salah satu warisan tak ternilai dari
Prof. Lucas da Costa. Beliau memberikan
buku ini untukku, pada 19 Maret 1998.
Rona pergunta ida ne’e,
mahasiswa ne’e fo resposta hanesan tuir mai:
“Skala prioritas saya saat ini adalah, bagaimana caranya saya
harus mendapat nilai yang bagus. Urusan jadi ahli ekonomi, itu urusan di
kemudian hari”.
Rona resposta ida ne’e
husi mahasiswa, Prof. Lucas langsung dehan: “baguuss”.
Mensajen importante nebe
mak ita atu konklui husi Prof. Lucas nia lia menon, hau atu dehan ba alin
estudantes FSP 2021, hanesan ne’e, intensaun husi lia menon “ mahasiswa harus berpikir
strategis dan bertindak taktis”, katak, agora dadauk ne’e, saida mak sai skala prioridade liu ba
alin sira, iha atividade aprende kona-ba materia Fizika Medis? Saida mak
importante liu? Sera-ke alin sira nia prioridade aprende Fizika Medis, tamba
atu sai “Ahli Fisika? Ou tamba atu hetan valor diak?”
Defini uluk lai imi nia
skala prioridade, depois mak aplika Prof. Lucas nia lia menon: “ mahasiswa harus berpikir
strategis dan bertindak taktis”.
Se-karik alin sira
defini imi nia skala prioridade, imi fo importansia liu ba, oinsa hetan valor
diak iha ezame, duke atu sai “Ahli Fizika”, entaun komesa atur imi nia
strategis estuda. Atur oinsa? Imi bele estuda materia sira nebe dosentes sira
fo. Mas keta haluha, hakbesik ba dosentes sira, husu dosentes sira fo “tentir” ba imi, mais ou menus, soal saida mak atu sai iha ezame. Se-karik imi
bele konkista dosentes sira, hodi hatene soal oinsa mak sei mosu iha ezame, imi sei la failla.
Tamba imi fokus los deit ba oinsa estuda ( hafal mati) soal nebe atu mosu iha ezame. Garanti katak, imi bele hetan A+.
Ami dosentes sira, dala
barak, manda imi tenki lee livru ida ne’e, tenki lee livru ida neba, depois imi
gasta imi nia tempu ho enerjia tomak hodi lee livu oioin. La’os lee livru oioin
deit, maibe lee livru mesak mahar tan-tanan deit. Mas to’o ezame, imi nia valor
monu hakdasak ba rai. Ida ne’e akontese, ninia fatores kauza, barak. Mas la’os
tamba imi mak beik. Buat ida beik no matenek ne’e, relativa. Iha mundu ne’e,
laiha ema beik, laiha ema matenek. Agora hau hanorin imi, la’os tamba hau
matenek liu imi. Maibe tamba hau moris uluk imi, no hau aprende uluk imi.
 |
| Kampus Unpaz "old view" |
E. Pengetahuan Musiman Alias Pengetahuan Sesaat
Hau sai dosente komesa
iha tinan 2002 (alin sira balun parese ladauk moris). Hahuu hanorin Fizika
Medis, Anatomi, Fisiologi, iha Fakuldade Saude Publika UNDIL (Universidade
Dili). Iha momentu neba Unpaz ladauk moris. Unpaz foin harii iha 9 Marsu 2004.
Iha materia nebe hau
hanorin, pur ezemplu Fizika Medis,
ou Anatomi
no Fisiologi, ou Fisiologi Reproduksi
Manusia, hau sempre
hamosu soal mak tenki barak.
Hau kria kondisaun detal maneira, atu nune’e, oinsa estudantes sira tenki
“familiar” ho soal nebe’e hau atu husu iha ezame. Estudantes sira bele lee no
dumina materia nebe hau fo iha aula hodi eleva (hasae) estudantes nia
koiñsementu. Mas atu hetan valor diak iha ezame, estudantes sira keta ignora “soal-soal” nebe hau hamosu iha momentu hala’o aula.
Tamba soal sira ne mak hau husu fila fali iha ezame.
100%, soal sira hau husu iha aula, pasti sai iha ezame. Bazeia ba stratejia ida
ne’e, estudantes balu la gasta demais sira nia tempu no enerjia hodi estuda
materia nebe sei la sai iha ezame (so para halo fuuk lahan sira monu hotu).
Sira estuda los deit mak soal-soal nebe hau hamosu iha momentu hala’o aula. Entaun
to’o ezame, sira hetan valor A+ . Simpel sekali bukan?
Realidade hatudu katak,
ita nudar estudantes, ita estuda materia ida, to’o ita hafal mati. Hafal husi A
to’o Z. Doben mos ita haluha lakon. Mas ezame hotu tiha, liu deit loron balun,
buat sira ita hafal mati ne’e, ita haluha lakon tiha. Ema husu fali, ita sai
biblar-maublar. Alin sira la fiar, koko tok ba mak hare rasik. Alin sira iha
Semester I, hafal mati materia Semester I. Assin-ke alin sira sa’e ba Semester
II, materia Semester I, alin sira haluha lakon tiha. Se-lafiar, alin sira ba
buka tok amaun no abin sira senior, agora Semester 3,5,7, husu tok materia
Semester I ba sira. Hau garanti katak 99%, sira haluha lakon hotu. Ne’e la’os
sira nia kulpa. Maibe secara alamiah,
ida ne’e mak akontese iha mundu ne’e. Ita so fixa buat nebe ita sei presiza.
Desde-ke ita la presiza ona, ba fixa nafatin hodi halo saida.
 |
| Prof. Rama Metan ho ninian belun diak, Prof. Em. Jose Manuel Ramos Horta, Laureadu Nobel da Paz, ne'ebe uluk sei kiik hela kleur iha Atsabe, tamba nian Pai, Senhor Manuel Horta, uluk tempu Portugez, hala'o knaar nudar Admnistrador Sub Distritu Atsabe |
F. Konkluzaun
Hau sita Prof. Lucas nia
lia menon, atu enkoraja alin sira, atu motiva alin sira, hodi estuda uza
stratejia. Iha mundu ne’e, laiha ema matenek no laiha ema beik. Iha deit mak
oportunidade. Se mak aproveita oportunidade, nia sei hetan susesu.
G. Rekomendasaun
Imi atu hetan valor diak
iha ezame, keta ignora soal nebe
hau hamosu iha aula.
Notas Ain:
Artigu ida ne'e materia preliminary (introdusaun) kona-ba Fizika ne'ebe hato'o ba Estudantes Fakuldade Saude Públika Universidade da Paz (Unpaz) 2021, iha inisiu aula, iha fulan Fevereiru 2021.
Tidak ada komentar:
Posting Komentar