Postingan
Tuir loloos ne CEE-PAZ la loke tan ona oportunidade ba Dosentes sira atu submete Proposta Peskiza ba CEE-PAZ, bazeia ba "time line" ne'ebe hato'o ona liu husi karta sirkulasaun ho data: 11 Dezembro 2019. Aleinde ne'e, CEE-PAZ mos dezenha tiha ona "Annual Action Plan" ba Anu Letivu 2020.
Mas depois de CEE-PAZ publika artigu ho titulu: Mengapa Tidak Ada Satu Fakultaspun Yang Mengajukan Usulan Penelitian?, iha sujestaun balun husi kolegas sira katak, diak liu loke fila
fali biban daruak ba submete Proposta Peskiza, tamba karta sirkulasaun
anterior, Dekanu sira la komunika ho Dosesntes refere, entretantu CEE-PAZ loke fila fali oportunidade daruak. Haree ba aproveita.
Liu ona 11 Janeiro 2020, laiha tan ona biban ba kualker Proposta Peskiza. CEE-PAZ nia knaar loloos ne'e organiza deit. Mas kuandu laiha fakuldade ruma mak hato'o sira nia Proposta Peskiza, entaun duke atividades peskiza iha Anu Letivu 2020 vakum, estrutura CEE-PAZ iha obrigatorio dezenha planu ruma hodi hala'o peskiza.
Rezultadu husi peskiza DENGUE ne'e, ho objetivu, liu-liu atu hetan dadus ne'ebe "fresh" no validu, hodi submete ba ICMR (Indian Council of Medical Research), ne'ebe agora dadaun sai Sentru Agenda Platform RESEARCH Meeting, (ho atividades annual meeting) ne'ebe Timor Leste halo parte nudar membru SEARO (South East Asian Regional Organization), no DENGUE sai isu sentral.
Horiseik, 6 Janeiro 2020, iha Fakuldade Direito UNPAZ submete ona Proposta Peskiza ho titulu: REFORMA LEI IHA NASAUN TIMOR LESTE. Espera katak Fakuldades sira seluk bele hatama mos sira nia Proposta Peskiza.
Mak ne'e deit. Ba atensaun no kolaborasaun diak husi parte hotu-hotu, CEE-PAZ hato'o obrigado wain
Tidak ada komentar:
Posting Komentar