SERÁ-KE DR. JOSÉ MANUEL RAMOS HORTA BELE UKUN TÓ 2027? (Depende Ba Sua Exelénsia Nia Rán Eransa Israel-Egito Iha Kalae?)

A. Prefásiu

Desde Dr. José Manuel Manuel Ramos Horta sai manan nain iha segunda ronde Eleisoens Prezidensiál 2022, kuaze ema barak mak husu mai hau: "Será-ke Dr. Ramos Horta bele ukun tó 2027?"

I até a data, hau la-dauk fo resposta klaru kona-ba asuntu refere tamba hau la'os matan dók ka matan besik. Hau la'os peramal ka paranormal. Hau laos dukun, apalagi dukun cabul. Hau dehan bebeik ona, hau nee "misticus". Misticus ne'e, so ezekuta deit orientasoens no informasoens nebe mai husi "mundu seluk" (dunia lain). Desde-ke laiha orientasoens no informasoens mai husi mundu seluk, hau la hatene buat ida. Hau beik aat liu fali belun sira.

B. Iha Rán Eransa Husi Israel Ho Egito Kalae?

Hau atu dehan deit; "Sua Exelénsia Dr. José Manuel Ramos Horta, atu ukun to 2027 ne'e depende ba Nai MAROMAK Nia desizaun".

Hau fo resposta ida ne'e ho razaun tamba bazeia ba;

1. Sua Exelênsia Dr. José Manuel Ramos Horta ba tuur iha Aitarak Laran ne'e desizaun espesiál husi CRISTO alias KRISTUS.

2. Bazeia ba Teoria Gemátria, númeru nebé lori vitoria ba S.E. Dr. José Manuel Ramos Horta hodi sai manan nain iha segunda ronda Eleisoens Prezidensial 2022, númeru nebé hakerek nanis ona iha Biblia (Antigu Testamentu), no númeru refere, simboliza ema nain rua, feto ida ho mane ida nebé hola malu iha tempu pasadu antes CRISTO mai mundu, no sira nain rua nia orijen ne'e, mai husi países rua. Paízes rua ne'e mak: "Egito ho Israel" (Mesir dan Israel). Feto oan ne'e mai husi Israel, no mane oan ne'e mai husi Egito.

Husi razoens rua nebe hau hato'o iha leten, hau atu hamosu 'hipotheza' ida katak; "Sei karik Sua Exelénsia Dr. José Manuel Ramos Horta nia ran nebe halai iha nia isin lolon ne'e iha rán Israel, ou rán Egito, hau bele dehan; sein dúvidas, Sua Exelénsia Dr. José Manuel Ramos Horta, ho CRISTO Nia bensaun, bele ukun to'o 2027.

Husi deklarasaun (redasaun) nebé hau hakerek iha leten, hamosu pergunta; "Oinsa ita bele hatene, sera-ke iha Sua Exelensia Dr. José Manuel Ramos Horta nia isin, iha duni rán eransa husi Israel ou husi Egito kalae?"

Resposta kona-ba pergunta refere mak tuir mai ne'e; "Atu hatene kona-ba asuntu ne'e, ita tenki halo investigasaun liu husi peskiza ida-ke klean, komprehensivu i liu-liu peskzia nebé prienxe dimensaun (rekezitu) sientifiku". Entretantu ita labele naran siik tuun siik sae. Ainda mais siik tesik ba mai.

"Halao peskiza oina sa?" Halao peskiza fazeada, husi peskiza nebe simples no fasil, to nivel nebe komplexu (rumit, ruwet). Karik peskiza ida hau intende ne'e mak bele realiza dunik, entaun iha momentu peskiza nee lao to iha nivel nebe kommplikadu, peskizadores sira involve iha projetu ida ne, tenki halao kontaktu ho Senhora Najwa Shihab. Tamba sa mak tenki iha kontaktu ho Senhora Najwa Shihab? Ida ne'e ita lalika koalia lai. Ida nee segredu bot ida. Husik ba hau mak hatene. Belun sira lalika hatene lai.

C. Ceepaz Dezeña Proposta Rua Atu Hato'o Ba Nai Prezidente

Iha neste momentu, Ceepaz (Centro Estudo Estratégico da Paz) dezenña hela proposal rua. Proposal rua ne'e mak hanesan tuir mai:

1. Proposal kona-ba President Cup 2022. Proposal ida nee, relasiona ho dokumentus nebe ami nain 3, asina iha 30 Marsu 2022, iha Aula Jose Casimiro Universidade da Paz (Unpaz) hanesan vizualizasaun husi fotografia hirak nebe hau anexu iha artigu ida nee. President Cup nee kona-ba Torneu Nasional Xadrez nebe involve atleta Xadrez, tantu iha rai laran no mos rai liur. Timetable Torneu President Cup 2022, planeia hela atu halao iha fulan Agostu 2022, i aumezmu tempu, koloka mos primeira pedra (peletakan batu pertama) kona-ba harii Eskola Xadrez Unpaz iha Timor Leste. Pergunta mak ne'e: "Sera-ke Nai Prezidente da Republika kumpri ninia asinatura dala 5-5-5 nebe marka tiha ona iha 30 Marsu 2022 ka la kumpri?" Sei la kumpri, hau hanoin ida ne'e sei mosu problema nebe seriu tebes. Ita bele foti referensia husi saida mak akontese ona ba Magnifiku Reitor Unpaz, Prof. Dr. Lucas da Costa,SE.MSi. Iha 4 Setembru 2018, Prof. Lucas hasai Deklarasaun pur eskrita atu halao LIGA CATUR UNPAZ durante tinan 10, mas depois Matebean ignora, ignora, ignora hela deit, entaun depois de Prof. Lucas nia Surat Deklarasaun lao tinan ida, iha 4 Setembru 2019, ho forsadu (dengan terpaksa) hau tenki retira Prof. Lucas husi "Perjanjian Yosua", no iha dia segintes, 5 Setembru 2019, Prof. Lucas iis kotu iha Ospital Nasional Guido Valadares. Iha momentu retira Prof. Lucas husi “Perjanjian Yosua”, hau hakerek no publika artigu kona ba asuntu refere iha hau nia timeline facebook. Artigu refere hakerek ho Lian Indonézia, ho titulu: “Lebih mudah langit dan bumi lenyap dari pada satu titik dari hukum Taurat batal”. Entretantu proposal nebe Ceepaz atu hato ba Nai Prezidente da Republika iha 29 Juñu 2022, hanesan parte ida atan hau obedese total (sein rezerva) ba asinatura dala 5-5-5 nebe ami nain 3 (Nai Prezidente, Magnifiku Reitor Unpaz atual, no atan hau), asina iha 30 Marsu 2022. Karik Nai Prezidente lakohi kumpri, entaun Nai Prezidente mak lori rasik todan ne ba. Hatoo proposal kona-ba President Cup ba Nai Prezidente, tamba hau kumpri hau nia dever. Mas karik Nai Prezidente ignora, abandona, fara mais rezeita, ba hau: "nothing to lose". Nai Prezidente kumpri, grasas a Deus. Mas sei la kumrpi, tamba sa mak hakarak marka presenza iha Unpaz, no fara mais marka asinatura 5-5-5 iha 30 Marsu 2022?

2. Segundu proposal koalia kona-ba planu peskzia nebe hau mensiona tiha ona iha inisu artigu ida nee. Katak atu hahuu halao investigasaun kona-ba Nai Prezidente nia raan (iha ran Israel ho Egito kalae), ita tenke hahuu lai husi investigasaun nebe simples. Investigasaun simples oinsa nian? Hahuu husi investigasaun kona-ba naran. Naran nebe sai "central issue" iha investigasaun ida ne mak "Benjamim".Tamba sa mak naran ida nee sai "central issue?"

Ita lalika diskute lai kona-ba naran 'Benjamim' agora. Mas hau atu fo hatene deit ba belun sira, iha proposta segundu nebe atu hato ba Nai Prezidente iha 29 Juñu 2022, ho hakraik aan, atan hau husu ba Nai Prezidente atu fo orientasaun ba Diretur Kaza Sivil, atu rekollu ka entrega lista kona-ba naran husi funsionarius sira nebe agora dadaun serivisu iha Palasiu Aitarak Laran. Komesa husi CS (Cleaning Service) ba to'o iha Nai Prezidente. Informasoens detallu, bele haree iha proposal refere.

Nai Prezidende da Repúblika bele toma konsidersaun forte ba iha segundu proposta, bele mos ignora ou rezeita. Buat ida naran proposal ka proposta ne'e, katak proponente so fornese deit proposta. Propobebte la obriga ema atu tenki kumpri. Proposta ne'e hato'o deit opsoens (pilihan). Ema bele halo tuir, bele mos ignora. Mas dala ida tan, karik Nai Prezidente ignora segundu proposta, ba hau "nothing to lose". Hau la lakon nein buat ida. Paling kole deit tamba gasta enerjia no tempu hodi hakerek proposal hirak ne'e. Mas sei karik proposta segundu rezeitadu, hau bele konklui ona katak; "Iha Nai Prezidente nia isin lolon, laiha rán eransa (darah warisan) husi, tantu Israel ou Egito. I husi ne'e buat hotu klarisu. Rezeitadu ona, ita lalika hala'o tan peskiza ba dook.

Mak ne'e deit. Obrigadu wain ba belun sira nebé lê ona artigu ida ne'e tó rohan. CRISTO Nia bensaun hela ho belun sira hotu. Amen.