"EAST TIMOR WILL BE FACE A BIG PROBLEM" (MENSAZEN HUSI JERUSALEM BA TIMOR OAN SIRA)

Husi Bali Indonesia hau hato'o kalan diak ba belun Timor sira hotu iha nebé deit. Hau atu aproveita oportunidade diak ida ne'e hodi fahe lia menon (estranho) uitoan nebé hau simu husi belun Timor oan ida "sent" mai hau horiseik (via inbox).


Belun Timor oan ho naran inisial A.M, nebee agora dadaun hela iha Inglaterra, foin lalais ho nia Familia hala'o peregrinasaun ba "Terra Santa - Holy Land" Israel.

To'o iha neba, iha dia 13 de Fevereiro 2017, oras tuku 4 lorokraik, belun A.M ho nia Familia ba vizita WAILING WALL ka TEARING WALL (Tembok Ratapan). Iha momentu neba, akontese esperencias nebee tuir hau nia perperticva, estranho uitoan, hanesan hau anexo iha okos ne'e.
Belun sira lee didiak ba, hodi kontempla tok, mais ou menus, belun sira haree hetan buat (mensazen importante) ruma ka lae?

Belun A.M. nia inbox mak hau anexo iha kraik ne'e;

==================================================
Boa noite husi Inglaterra;

Hau hakarak share deit hau nia esperencias peregrinasaun ba Terra Santa/Holy Land Israel. Katak iha dia 13 Feb 2017 loraik tuku 4 ami ba visita Wailing Wall ka Tearing Wall/Tembok Ratapan Jerusalem. 

Ami ida-idak hakerek ami nia orasaun, pois tama ba.. feto sira lao ketak ba liman los, ami mane sira lao ba liman karuk. 

Reza kuaze 15 minutus de tempu, ami sai mai, baibain ema ida-idak lao ninian, la hase malu.
Derepenti Rabi ida, idade mais ou menus 60 anos, mosu husi ami nia kotuk ,hau ho hau nia oan mane, ami rua lao neineik hela, husi kotuk Rabi ne hakbesik mai, hase ami rua ho lian Ingles.

Rabi ne’e husu nune; "Imi rua husi nebe?" Ami hatan; "husi East Timor but Portugis citizen". Rabi ne’e la mensiona ho liafuan Portuges, nia dehan deit; 

“Hau hatene East Timor, but East Timor will be face a big problem maybe, but do not worry, take care and God Bless you both”. 

Hau iha intensaun atu hasai foto ho Rabi ne, e hau nia oan mos ho intensaun hanesan, mas derepenti deit Rabi ne lakon tiha husi ami nia oin. 

Fila ba Hotel iha Belem, ami nia kuarto iha numero 804, lantai 8. Kalan hau ho hau nia oan ami kalan ne hanoin hela deit lia faun ida Rabi ne koalia ate agora. 

Hau nia oan mos sempre dehan; “Pai ne laos koinsiden, maibe ita nia orasaun nebe ita hakerek, rai iha Wailing wall nia kuak ne mak Nai Maromak haruka nia manu ain (God's Messenger) mai fo hatene ita, katak Nai Maromak rona tiha ona ita nia orasaun sira".

Ami duvida mak Rabi ne lakon derepenti ami buka tuir la hetan maske ema oituan deit.
Hau la hatene, ne sinal diak ga at? Karik ita iha komentario ruma kona ba ne, bele fo hatene mai.
================================================

Comentario badak;

Hau lee didiak tiha mensazen iha leten ne'e fila ba fila mai, hau konsidera katak akontesemento ne la'os "co-incidencia", maibe hau haree didiak, mensagem husi Rabi ne'e atu dehan lolos katak, sedu ou tarde; "drama bot" sei akontese duni iha Timor.

Perguntas 3 importante ita atu refleta (kontempla) mak tuir mai ne'e;
(1). Rabi ne'e see los?
(2). Nusa mak teki-teki (tiba-tiba) Rabi ne'e lakon tiha deit?
(3). Nusa mak Rabi ne'e tenki koalia nune'e? (East Timor will be face a big problem = Timor Leste sei enfrenta problema bot ida).

Sei iha tan mensazen seluk husi belun A.M kona ba akontesementos balun iha "TASI TIBERIAS", mas hau ladauk share ba belun sira tamba hau sei konfirma hela assunto ruma.

Tantu Timor oan sira tenki halo orasaun forte liu tan. Hakoak bot ba Timor oan sira hotu.