RAAN DINASTI & BANDEIRA MONU (Se Laiha Raan Dinasti = 100% Xanana Labele Ukun Too 1 Jullu 2028) Seri 2

Husi: Rama Cristo, S-33

A.2. Prefasiu

Ohin, 2 Dezembru 2024, ita tama ona tempu Adventu loron daruak. Hau kontinua hakerek artigu seri daruak nee nudar "misticus", mas laos "politikus". Misticus la hanesan ho matan-dook, matan-besik, siik-door, peramal, paranormal, clarvoyorance, cenayang, okulist, dukun, fara mais dukun cabul. Ho nunee, karik iha assuntus ruma iha artigu ida nee mak la monu ba lee nain sira nia neon ho laran, nee laos tanba "Bunda kita salah mengandung"

.

Antes hau kontinua, atu xama atensaun (fo hanoin) ba lee nain sira hodi intende didiak sentidu husi sub titulu artigu ida nee. Sub titulu artigu ida nee atu esklarese katak, husi hau nia perspetiva (pontu de vista) nudar "misticus", hau atu formula (harii hipotheze) katak, Bandeira nebe monu iha Palasiu Governu, iha 1 Jullu 2024, lori mensajen husi "mundu seluk" (dunia lain) nebe dehan nunee: "Se Raan Dinasti la suli iha Xanana nia isin, 100% Xanana sei labele ukun too 1 Jullu 2028".

Husi hipotheze leten nee, hau hakarak hatoo mensajen aberta ba fans berat Maun Boot Xanana nian, liu liu sira nebe durante tinan naruk, aproveita Maun Boot Xanana nia exsistensia hodi "aproveita buat hotu". Belun sira labele sai oportunista (aproveitadoor) deit. Maibe tenke reza makas. Reza deit dala ruma la too, tanba Bandeira monu nee, sinais boot ida husi naturza. Bila perlu halao 3B (Berdoa, Bertobat & Bertirakat). Keta anggap remeh akontesementu Bandeira monu iha 1 Jullu 2024 nee sekedar koinsidensia (kebetulan). Bandeira monu nee fo sinais importante ba rai no povu ida nee, liu-liu ba lideres topu sira. Espesialmente ba PM ho PR.

B.2. Arkivu (Imajen) Tidin Lilin Rua Iha 1 Jullu 2022

Hanesan hau hatoo antes iha seri dahuluk artigu ida nee katak iha seri daruak, hau sei publika arkivu (vizualizasaun) kona ba atividades estranha "Tidin lilin rua iha 1 Jullu 2022".

Vizualizasaun lilin rua nebe hau tidin iha 1 Jullu 2022, belun sira bele haree liu husi fotografias 3 nebe hau anexu iha nee.

1. Lilin primeiru, hakerek: Lahir 1 Juli.

2. Lilin segundu, hakerek: Lahir bukan 1 Juli.

Iha figura anexu, hatudu katak:

1. Vizualizasaun primeiru, ilustra lilin foin hahuu lakan.

2. Vizualizasaun segundu, ilustra lilin rua komesa mohu. Mas lilin rua nee sei lakan hotu.

3. Vizualizasaun terseiru, ilustra, lilin nebe hakerek ho liafuan: "Lahir 1 Juli", sei lakan hela. Enkuantu lilin ida fali hakerek ho lia fuan: "Lahir bukan 1 Juli", mate tiha ona.

Bazeia ba Avo Misterio nia mensajen nebe hau hatoo tiha ona iha seri dahuluk: Konkluzaun iha momentu neba (1 Jullu 2022) mak nee: "Katak iha futuru, sei mosu akontesementu iha 1 Jullu.

"Ternyata apa yangcl terjadi?"

1. Liu tiha tinan ida, iha 1 Jullu 2023, Prezidente da Republika fo posse ba Membrus Nonu Governu iha Palasiu Prezidensia Aitarak Laran Dili.

2. Liu tiha tinan rua, iha 1 Jullu 2024, Bandeira monu iha Palasiu Governu, iha momentu Isar Bandeira, no Maun Boot PM Xanana Gusmao mak sai Irup (Inspektur Upacara) ba Isar Bandeira.

C.2. Inan Virgem Maria Santissima Sai Sasin

Belun sira haree didiak figura anexu, iha vizualizasaun primeiru, iha neba mosu Statua Inan Virgem Maria Auxiliadora. Statua kiik oan nee Mana laran diak ida mak lori mai husi Paris Fransa (Perancis). Mana smart nee (Alumnus husi Universidade dia iha Australia), nebe agora dadaun asume knaar nudar Membru Parlamentu Nasional husi Partidu FRETILIN.

Hau simu Statua nee husi Belun SBY (Sang Bansgawan Yahudi), Adjunto Lais nia oan mane boot, iha 3 Outubru 2018, iha momentu hau sei hela iha IPWK. Komu Statua nee kiik oan hela, bele tau iha bolsu, entaun iha momentu hau ba India iha Dezembru 2019, hau hetan orientasaun tenke lori Statua nee. Mas agora dadaun, Statua Inan Virgem Maria Auxiliadora iha hela Brisbane Australia. Statua nee sai husi Dili, iha 13 Jullu 2022.

D.2. Petisi 13 Juli Sai Abut Ba Greater Sun Rise

Liu husi intermezzo ida nee, hau intensionalmente (dengan sengaja) temi "13 Jullu", atu fo hanoin deit ba Petisionarius PDF (FRETILIN ho PD) nebe assina PETISI 13 JULI iha 2017, hodi halo ezame da konsiensia ida kona-ba sentidu husi PETISI 13 JULI. Tanba titulu sentral artigu dia nee (RAAN DINASTI & BANDEIRA MONU), iha relasaun forte ho PETISI 13 JULI nebe FRETILIN ho PD deit mak asina. Kona-ba assuntus PETISI 13 JULI, hau hakerek tiha ona artigus lubun iha anterior. Keta anggap remeh eksistensia husi PETISI 13 JULI. Tanba iha momentu neba, asin-ke hau publika artigu kona-ba PETISI 13 JULI iha primeira vez atravez Facebook, menus husi oras ida, mosu kedan Tiga Belas Merpati husi Lalehan, iha momentu PD (Partidu Demokratiku) halo hela kampainye iha Liquisa ba Eleisaun Parlamentar 2017.

Komu Inan Virgem Maria Auxiliadora nia Statua nebe lori mai husi Paris Fransa, nia paradieu agora iha Australia, entaun, aproveita oportunidade ida nee, I am dowing (hau hakarak tebes) harii hela hipoteza ida ho formulasaun linguajen hanesan tuir mai;

"Kadoras Greater Sun Rise" foin bele dada (atu dada mai Timor ka, ou atu dada ba Australia ka), bainhira FRETILIN ho PD mak sai episenturm ba ukun, ho razaun tanba Greater Sun Rise nia abut lolos nee iha PETISI 13 JULI nebe FRETILIN ho PD mak assina".

Ohin, 2 Dezembru 2022, hau lanxa hela hipoteze ida nee ba publiku, depois ita hotu hein, sera-ke hipoteze nee terbukti linier ou terbalik. Tanba hipoteze nee hau lanxa tiha ona, nee hanesan psywar (perang saraf) ida nebe hau tuda hela ba Maun Boot Kay Rala Xanana ho CNRT no ninia Militante tomak, imi tenke halo esforsu makaas hodi abortu tiha hipoteza ida nee, ho meius rua:

1. Dada Kadoras mai sedu Timor durante Maun Boot Kay Rala Xanana sei moris hela.

2. Tenta oinsa, atu iha Eleisaun Parlamentar 2028, CNRT mantein vitoria, sai manan nain ho votus maioria (tantu atu maioria abzoluta ou mairoia simples).

Maske ho hakraik aan, hau atu dehan hanesan nee, numeru ka angka 31 (jumlah kursi) nebe lori Maun Boot ho CNRT fila ba kaer ukun, hakerek iha Meja Ibrani nebe agora iha hela hau nia uma. Meja Ibrani ho angka 31 nee, hau sosa iha 28 Abril 2018, ho osan dolar rihun ida ($1000) nebe Maun Boot Kay Rala Xanana mak fornese iha loron 28 Abril 2018, iha momentu ba vizita hau iha Rumah Tua Yosua. Iha loron neba, iha 28 Abril 2018 dadersan, antes aranka ba Oecussie hodi halao kampanye ba EA (Eleisaun Antesipada), Maun Boot Kay Rala Xanana, disponivel ba vizita hau iha Rumah Tua Yosua no fo hela osan $1000.

Osan $1000 nee laos hau mak husu. Durante hau ho Maun Bot Kay Rala Xanana nia konversa pur volta de oras ida nia laran, hau nunka husu buat ida. Derepenti Maun Boot bisu-bisu ba Senhor Gastao: "Rama Cristo presiza buat ruma kalae?"

Depois Senhor Gastao Sousa, atual Ministru MPIE Nuno Governu, husu mai hau (" Rama Cristo presiza buat ruma kalae?").

Hau hatan nunee; "Se bele azuda hau "Meja Redonda" ida, atu hau bele tau Statua Nossa Senhora Lourdes nebe hau sosa iha Bali".

Rona tiha hau nia pedidu kona ba Meja Redonda (mas hau nunka temi osan), hau hanoin fila husi Oekussie mai mak Maun Boot fornese Meja Redonda. Mas afinal lae. Iha loron nee kedan, 28 Abril 2018, Maun Boot Kay Rala Xanana ho Senhor Gastao sai tiha ba liur, Maun Boot loke nia karreta, foti nia osan futun boot ida (total $1000), nebe kompostu husi "satuan sepuluh dolar" entrega ba Senhor Gastao hodi lori mai fo hau. Mas komu osan nee "sepuluh dolar hotu deit", entaun mahar i todan loos. Nebe Senhor Gastao dehan ba Maun Boot rai tiha fali osan $1000 nee, Senhor Gastao mak foti fali nia osan $1000 mas kompostu husi "satuan dua puluh dolar" hodi lori tama fali ba entrega ba hau.

Nah, osan $1000 dolar nee, balun mak hau uza iha loron nee kedan, 28 Abril 2018, orienta Mantina ho labarik sira ba sosa kedan Meja Redonda. Asin-ke Mantina ho labarik sira lori Meja Redonda nee mai Rumah Tua Yosua, hau haree angka 31 ho 57, marka hela iha Meja Redonda nia leten. Angka 31 nee mak agora lori Maun Boot ho CNRT manan Eleisaun Parlamentar iha 2023, no nufin lori Maun Boot Kay Rala Xanana fila ba kaer ukun.

Atu dehan katak, angka 31 (kadeiras) nee, hanesan "Grasas Espesial" (Premiu Espesial) husi "Inan Virgem Maria Santissima Lourdes", tanba Maun Boot Kay Rala Xanana, ho laran luak, ho ikhlas, fornese ona fatin ba Inan Virgem Maria Santissima, mas dengan catatan: "Maun Boot Kay Rala Xanana fila ba kaer ukun, laos lori Maun Boot Kay Rala Xanana nia naran, maibee lori ema seluk nia naran.

Maun Boot ba asume kargu Primeiru Ministru Nuno Governu atas nama deit (em nome do anonymo). Naran nebe Nai MAROMAK halo framing ba vitoria CNRT (ho total votus: 289298), laos Maun Boot Kay Rala Xanana nia naran. Tanba tuir mensajen importante rua husi Avo Misterio, iha 12 Maiu 2018, depois de Maun Boot Kay Rala Xanana lakohi assina Dokumen PY (Perjanjian Yosua), iha konsekuensia boot rua mak Maun Boot Kay Rala Xanana tenke simu. Konsekuensia rua nee mak hanean tuir mai;

1. Maun Boot Kay Rala Xanana labele fila ba kaer ukun.

2. Desde Maun Boot Kay Rala Xanana sei moris, Kadoras Greater Sun Rise sei labele dada mai Timor Leste.

Mensajen importante rua hau mensiona iha leten, hau hakerek fila-fila ona atravez artigus lubun iha anterior.

Avo Misterio nia mensajen importante primeiru nebe dehan: "Maun Boot Kay Rala Xanana labele fila ba kaer ukun nee mak agora dadaun sai kestaun boot (simboliza ho BANDEIRA MONU) nebe ameasa tebes Maun Boot Kay Rala Xanana, labele ukun to 1 de Jullu 2028. Maun Boot labele ukun too 1 de Jullu 2028, tanba; angka 31 (kursi), nyata-nyata la hakerek iha Membru Governantes sira nebe agora Maun Boot Kay Rala Xanana estima loos, maibe hakerek iha "Meja Redonda" alias "Meja Ibrani" nebe agora rai hela iha hau nia uma. No Meja Redonda nee mak sai nudar fatin diak nebe iha 1 de Jullu 2022, hau tidin lilin rua ba.

Aleinde angka 31, hau tenke klarifika moos katak angka enam digit nebe sai nudar CNRT nia numeru votus (289298), laos ilustra Maun Boot Kay Rala Xanana nia naran. Maibee Nai MAROMAK design angka 289298, hodi halo framing (ilustra) ema seluk nia naran.

Iha momentu CNRT defenitivu sai manan nain iha Eleisaun Parlamentar 2023, no Maun Boot Kay Rala Xanana fila ba asume kargu Primeiru Ministru, ema barak (liu-liu haters sira) tolok no insulta hau rahun didiak. Sira nia linguajen insultus mak hanesan tuir mai: "Profeta falsu, matan dook falsu, peramal bulak, nst, nst".

Hau rona insultus hirak nee hau nonok deit, mas iha hau nia laran, hau mos insulta balik: "O nia avo nia ulun fatuk nee mak hau ramal sala. Desde-ke hau nunka hasai pernyataan, hau nee profeta, nusa mak O tenki insulta hau profeta falsu. Hau nunka ba hatais kazula mean ka, kazula mutin ka, hodi deklara aan dehan hau profeta".

Pergunta importante rua mak nee:

1. Se Maun Boot Kay Rala Xanana ba kaer ukun atas nama deit, entaun atas nama see loos?"

2. Angka nebe hakerek iha Meza Redonda nee iha oin rua; mak angka 31 ho angka 57. Angka 31 mak agora lori ona CNRT ba kaer ukun. Oinsa angka 57 nia relasaun ho PD nia involvementu iha ukun ida ne?"

Atu hatene resposta ba pergunta ida nee, hein serial hirak tuir mai. Hau pessoal fiar katak Nai MAROMAK la design sala Nia Obras. Tanba Nia Omnipotente, Omniscient no Omniprecense.

"Kami bersyukur kepada-Mu ya ALLAH, kami bersyukur, dan orang-orang yang menyerukan NamaMu, menceritakan perbuatan-perbuatanMu yang ajaib" (Mazmur 75:2).

Sei kontinua: