RAAN DINASTI & BANDEIRA MONU (Se Laiha Raan Dinasti = 100% Xanana Labele Ukun Too 1 Jullu 2028) Seri 3

Husi: Rama Cristo, S-33

A.3. Prefasiu

Ohin, 3 Dezembru 2024, ita tama ona tempu Adventu loron datoluk. Hau kontinua hakerek artigu seri datoluk nee nudar "misticus", mas laos "politikus". Misticus la hanesan ho matan-dook, matan-besik, siik-door, peramal, paranormal, clarvoyorance, cenayang, okulist, dukun, fara mais dukun cabul. Ho nunee, karik iha assuntus ruma iha artigu ida nee mak la monu ba lee nain sira nia neon ho laran, nee laos tanba "Bunda kita salah mengandung".

Antes kontinua, ba dala datoluk (untuk yang ketiga kalinya) hau tenke xama atensaun (fo hanoin fila fali) ba lee nain sira hodi intende didiak sentidu husi sub titulu artigu ida nee (Se Laiha Raan Dinasti = 100% Xanana Labele Ukun Too 1 Jullu 2028). Sub titulu artigu ida nee atu esklarese katak, husi hau nia perspetiva (pontu de vista) nudar "misticus", hau atu formula (harii hipotheze) katak, Bandeira nebe monu iha Palasiu Governu, iha 1 Jullu 2024, lori mensajen husi "mundu seluk" (dunia lain) nebe dehan nunee: "Se Raan Dinasti la suli iha Xanana nia isin, 100% Xanana sei labele ukun too 1 Jullu 2028".

Husi hipotheze leten nee, untuk yang ketiga kalinya, hau hakarak hatoo mensajen aberta ba fans berat Maun Boot Xanana nian, liu liu sira nebe durante tinan naruk, aproveita Maun Boot Xanana nia exsistensia hodi "aproveita buat hotu". Belun sira labele sai oportunista (aproveitadoor) deit. Maibe tenke reza makas. Reza deit dala ruma la too, tanba Bandeira monu nee, sinais boot ida husi naturza. Bila perlu halao 3B (Berdoa, Bertobat & Bertirakat). Keta anggap remeh akontesementu Bandeira monu iha 1 Jullu 2024 nee sekedar koinsidensia (kebetulan). Bandeira monu nee fo sinais importante ba rai no povu ida nee, liu-liu ba lideres topu sira. Espesialmente ba PM ho PR. Tanba PM ho PR fila fali ba panggung kekuasaan nee tanba Nai MAROMAK Nia Propria Obras ne’ebe setting husi India, iha 4 Dezembru 2019.

B.3. CNRT Nia Vitoria (288289) Simboliza See Nia Naran

Iha seri datoluk nee hau ladauk koalia kona-ba PD (Partidu Demokratiku) nia involvimentu iha ukun ida nee (Nonu Governu). Hau atu foka uluk lai kona-ba "Pesan Ilahi di balik angka 288289." Angka 288289 nee votus nebe CNRT hetan iha Eleisaun Parlamental 21 Maiu 2023. Purtantu angka 288289 nee mak redus ba kadeiras (asentu) 31 iha Parlamentu Nasional, no lori Maun Bot Kay Rala Xanana fila fali ba tuur iha Kursi Kebesaran (Grandeza Kadeira) alias Kursi Perdana Menteri. Belun sira bele haree fotografia furak anexu (Avo Nana tuur hela iha Grandeza Kadeira).

Mas deskulpa-la (mohon maaf beribu maaf), tuir informasaun nebe hau hetan husi "Leten", angka 288289 nee framing nebe Nai MAROMAK halo hodi simboliza pessoal balun nia naran.

Angka 288289 nee, bainhira ita pronunsia ho Lian Indonezia, DUA DELAPAN DELAPAN DUA DELAPAN SEMBILAN, depois "tiga puluh lima huruf" iha lia-fuan: DUA DELAPAN DELAPAN DUA DELAPAN SEMBILAN, ita konverte ba Gematria Latin, ita total hamutuk, hetan 286.

DUA = 26

DELAPAN = 53

DELAPAN = 53

DUA = 26

DELAPAN = 53

SEMBILAN = 75

==============

Total: 26+53+53+26+53+75 = 286.

Pergunta simples mak nee: "See nia naran mak ita konverte, bele hetan valor numerik 286?"

Yang jelas angka 286 nee laos simbol numerik husi Maun Boot Kay Rala Xanana nia naran. Tanba Maun Bot nia naran batizmu: "Jose Alexandre Gusmao", ita konverte ba Gematria Latin, hetan 209. Nunee moos naran revolusionariu Kay Rala Xanana, ita konverte ba Gematria Latin, hetan 124. Se ita junta naran sira nee hamutuk: "Jose Alexandre Kay Rala Xanana Gusmao", ita konverte ba Gematria Latin, ita hetan 333 (209+124).

Husi deskrisaun iha leten, ita bele konklui katak, angka 288289 nee laos refere ba Maun Boot Kay Rala Xanana nia naran. Tanba nee mak hau hatoo tiha ona iha artigu anterior (seri 2), Maun Boot Kay Rala Xanana fila fali ba asume kargu Primeiru Ministru iha Nonu Governu nee, "atas nama deit". Alias em nome do anonymo, tanba deit $1000 (seribu dolar) nebe Maun Boot Kay Rala Xanana fornese ho laran luak hodi sosa "Meja Redonda" (Meja Bundar) iha 28 Abril 2018, hodi tau Inan Virgem Maria Santissima nia Statua.

Fila fali ba pergunta: "See los nia naran mak Nai MAROMAK hili hodi halo framing 286?"

Hau hanoin, iha Timor Leste laran, ema barak nia naran, ita konverte ba Gematria Latin, bele rezulta 286. Entaun ita hotu servisu, buka para elabora hamutuk naran sira nebe bele rezulta Gematria Latin 286. Naran primeiru nebe mak hau hetan: "Antoninho Benjamim Monteiro".

Antoninho = 110

Benjamim = 67

Monteiro = 109

------------------------------

Total: 110 + 67 + 109 = 286.

 

Sera-ke naran "Antoninho Benjamim Monteiro" nee refere ba hau?" Belum tentu. Tanba naran barak iha Timor Leste, bele rezulta angka 286. Ho ida nee mak hau sujere, belun sira buka took naran sira seluk nebe bele rezulta angka 286.

C.3. Maun Boot Kay Rala Xanana Hetan Votus 288289 Husi Inan Virgem Maria Santissima Tanba Fornese Osan $1000 (Seribu Dolar)

Se-karik ita hetan naran nebe rezulta angka 286 nee barak (lebih dari satu), oinsa ita bele identifika, naran sira rezulta angka 286 nee, ida nebe loos mak iha relasaun forte ho angka 1000 (seribu)? Angka 1000 (seribu) nebe hau mensiona iha nee, refere ba $1000 (seribu dolar) nebe Maun Boot Kay Rala Xanana fornese hodi sosa Meja Redonda iha 28 Abril 2018, hanesan hau deskreve tiha ona iha seri 2 artigus serial ida nee.

Hau liga CNRT nia votus 288289 iha Eleisaun Parlamentar 2023 ba angka 1000 (seribu), tanba bazeia ba Teoria Gematria Judew, bainhira ita konverte pronunsiasaun 288289 ho lian Indonezia (Dua Delapan Delapan Dua Delapan Sembilan), depois ita konverte ba Gematria Judew, ita hetan rezultadu 1000 (seribu).

Dua = 205

Delapan = 131

Delapan = 131

Dua = 205

Delapan = 131

Sembilan = 197

---------------------------

Total: 205+131+131+205+131+197 = 1000.

Belun CNRT sira bele justifika CNRT nia votus 288289 nebe hetan liu husi Eleisaun Parlamentar 21 Maiu 2023, bazeia ba tabela Gematria Judew nebe hau anexu iha artigu seri datoluk nee. Atu nunee, belun "haters" sira labele julga hau dehan, hau koalia bazeia deit ba preferensia, laos bazeia ba referensia.

D.3. Konkluzaun

Bazeia ba deskrisaun kona-ba CNRT nia votus 288289 nebe hatoo tiha ona iha leten, no hau respeita tebes Nai MAROMAK Nia Obras, lori hau ba foti konkluzaun hanesan tuir mai nee:

1. Nai MAROMAK halo framing 286 ba CNRT nia votus 288289 nebe laos refere ba Maun Boot Kay Rala Xanana nia naran, tanba Nai MAROMAK konsisten ho Nia Mensajen 2 nebe Avo Misterio hatoo iha 12 Maiu 2018, assin-ke Maun Boot lakohi assina Dokumen PY (Perjanjian Yosua) katak: (a). Desde-ke Xanana lakohi assina Dokumen PY (Perjanjian Yosua), Xanana labele (proibidu =dilarang) fila fali ba kaer ukun. (b). Desde-ke Xanana sei moris, Kadoras Greater Sun Rise labele dada mai Timor. Mensajen nee hau publika tiha ona iha 12 Maiu 2018,iha loron EA (Eleisaun Antesipada). No realidade hatudu katak ate a data, Maun Boot Kay Rala Xanana tenta tuun-sae mos Kadoras ladauk mai. Padahal Kadoras Greater Sun Rise nee sai CNRT nia "political selling point" desde kedan Eleisaun Antesipada 2018.

2. Kadeira Primeiru Ministru Nuno Governu nebe agora dadaun Maun Boot Kay Rala Xanana tuur ba, hanesan forma "Grasas Espesial (Premiu Espesial)" mai husi Inan Virgem Maria Santissima, tanba Maun Boot Kay Rala Xanana fornese ona $1000 (seribu dolar) iha 28 Abril 2018 hodi sosa Meja Redonda (Meja Bundar) ba Inan Virgem Maria Santissima.

E.3. Sujestoens

1. Bazeia ba Konkluzaun iha leten, ho hakraik aan, atan hau sujere ba Maun Boot Kay Rala Xanana, atu diak liu buka "pessoal apropriadu" ida, hodi entrega "Kadeira Grandeza" (Primeiru Ministru) be pessoal refere. Ho nunee Maun Boot Kay Rala Xanana bele rezigna ho forma "soft landing", no bele ba asume fali kargu Ministru ruma, sambil azuda orienta Primeiru Ministru foun. Ho nunee, aleinde hasees tiha Maun Boot husi risku morte (Maun Boot obriga aan bele lengser ho hard landing), no mos bainhira Maun Boot hasees aan husi Kadeira Grandeza, iha possibilidade, CNRT ho PD bele kontinua ukun to 1 Jullu 2028, duke halo EA, gastus Boot, ansunser forsadu tanba ita laiha alternatives seluk.

2. Mas se Maun Boot Kay Rala Xanana obriga aan tuur nafatin iha Kadeira Grandeza, sementara berkat husi Nai MAROMAK ba Maun Boot Kay Rala Xanana laiha tiha ona, tanba deit Maun Boot lakohi assina Dokumen PY. Padahal Dokumen PY nee, nasaun ida nee ninia propria abut. Hau nia sujestoens rua nee hau hatoo ba Maun Boot ho intensoins diak, ho sinseriedade tomak, tanba ita ho ita mak tenke hanoin malu. Laiha ema seluk atu hanoin ita. Saida mak Maun Boot Kay Rala Xanana ladauk hetan iha Maun Boot nia moris, desde ita alkansa URA iha 1999. Kuaze buat diak hotu, Maun Boot hetan no goza tiha ona, enkuantu Veteranus rihun ba rihun la hetan buat ida.

3. Bazeia ba deskrisaun kona-ba sentidu husi numeru votus CNRT (288289) iha Eleisaun Parlamentar 2023, hau nia mensajen ba "haters" sira nebe durante nee insulta hau ho linguajen preman-primitivuhau, dehan hau: profeta falsu, naran siik arbiru deit", peramal bulak asli, Atsabe hatais lipa, no stigma oioin nebe "haters" sira prega mai hau, hau nia respsota (auto defeza) mak tuir mai nee: "Imi nia Avo nia ulun fatuk mak profeta falsu. Hau nunka deklara hau nia aan nee profeta. Hau nee misticus, mas laos politikus. Hau nunka hatais kazula mean ka, mutin ka, metan ka, hodi deklara aan dehan hau nee Profeta, Teolog, Ahli Kitab Suci, Vigario Geral, nsst, nsst. Imi nia liafuan insultus sira imi prega mai hau nee, laos argumentus, maibe sentimentus. Nusa mak imi la counter hau nia argumentus (artigus) ho forma hakerek mos imi nia artigus ho linguajen sivilizadu. Keta halo ba imi formula deit imi nia ideias iha forma paragraf ida deit mos laiha kbiit karik? Hau hakerek artigus sasin tanba orientasaun husi "Leten". Maibe laos tanba ambisaun atu sae ba leten. Too iha nee imi faham to?

" Demikian jugalah kamu. Apabila kamu telah melakukan segala sesuatu yang ditugaskan kepada kamu, hendaklah kamu berkata: Kami adalah hamba-hamba yang tidak berguna, kami hanya melakukan apa yang kami harus lakukan" (Lukas 17:10).

Sei kontinua