Selamat datang di Blog Darah Daud 303. TUHAN YESUS memberkati kita semua (hitam & putih)

Selasa, 07 Februari 2017

DE DA VINTE CODE (Parte Datoluk)


"Nai MAROMAK termina Rai Timor nian destinho sai nudar RAI MONARKIA (TANAH KERAJAAN). Mas nai ulun Timor sira ulun tos hanesan fatuk mutin mota laran, teimozu hakarak los adopta sistema Anti CRISTO-666 (República Democrática), entaun ita Timor oan rasik mak hakarak buka moras. Sedu ou tarde, Timor sei monu to rai Anti CRISTO-666. Atu hadeer fali husi Rai Anti CRISTO-666, so Nai MAROMAK rasik halo intervensaun".

Hanesan hau haklaken fila-fila ona iha anteiror (komesa kedan iha 2010), atraves artigus barak ho lian Indonesia, katak iha loron ida, iha dia 2 de Fevereiro 1994, iha pasiente mane ida mai husi França, nia mai passa ferias iha Bali no hetan moras; "peritonitis acute" (akut).

Moras peritonitis ne'e, se deit mak sofre, assim que doutor sira diagnoza ona "peritonitis akut", úniku solusaun ida deit; mak tenki opera imediata, selae sai kumplikadu, bele akontese; “perforasaun” (perforasi = tee oan koak), septikemia (microba tama ba sirkulasaun sistemika), etc, etc to ikus, resulta ema ne'e mate.

Operasaun peritonitis, iha termus medicina bolu naran laparatomy. Iha momentu ne'e ba, hau nudar "dokter muda", hala'o hela stajen iha Departamento Anestesia Hospital Sanglah Denpasar Bali.
Iha dia 2 Fevereiro lorokraik, ami nian tim (médicos) husi Departamento Anestesia halo parte hotu iha operasaun laparatomy ba ema nia aman França ne'e. Opera hotu, ami lori ema nia aman ne'e ba iha salaun HCU (High Care Unit) hodi kuntinua hala'o tratamentu.

Komu ema nia aman ne'e la hatene koalia lian Indonesia, nia so hatene deit mak lian Francés no Inglés, i "kebetulan" ami nia grupu ne'e so hau deit mak hatene netik lian Inglés (maske Inglés be foer), entaun dr. Alex Suranadi nudar Residen, hili hau mak tenki toma konta halo "strict observation" (observasi ketat) ba ema nia aman ne'e.

Hau halo observasaun tama to kalan bot, ema nia aman ne hakilar hela deit tamba moras los. Analgética forte ampulo lubun "drip liu husi soru been" ne mos la ajuda liu ema nia aman ne'e. Calmantes (obat penenang) ampulo lubun drip liu soru been mos la resulta buat ida. Ema nia aman ne hakilar nafatin hela deit. Entaun halo nusa mak diak?

Hau telfone dr. Alex Suranadi. La kleur dr. Alex Suranadi tama mai ho hau nia senior ida (dokter muda hotu) naran; I Putu Sahadewa". Senior Sahadewa ne'e "angkatan" ida ho dr. Joao Martins (atual; Decano Faculdade Medicina UNTL) Sahadewa, agora halao knar nudar; Gynecolog /Ahli Kebidanan & Kandungan.

Kalan ne'e dr. Alex Suranadi decide tenki sona "morfin". Tamba dalan seluk la iha ona. Sona morfin mas laos drip liu husi soru been, maibee sona diratemente liu nervus (= saraf) bot ida iha vertebra (tulang belakang), hodi blokeia tiha "impuls pengantar rasa nyeri". Atu similiar uitoan tindakan nebee bolu naran; BSA (Block Spinal Anesthesia).

Komu tenki sona diretamente liu "nervus bot iha vertebra, nebee la hanesan sona bai-bain liu kidan (area muculus gluteus maximus), entaun tenki sona como deve (sona ho koidadu). Selae, sona sala, malae mutin sai paralitik (lumpuh) tiha iha Bali mak fila ba França.

Entaun kalan ne'a ami nain 3 tenki servisu todan, silu ema nia aman ne tun sae kleuk didiak tiha hanesan los modo masin, hodi hetan "pozisaun" nebee diak mak foin bele hatama morfin. Hau tenki esplika ba malae ne'e to kaben hotu nafurin kona ba "tindakan" sona morfin ne'e. Tamba malae kritis demais. La hanesan ita emar Asia nebee simu los hela deit kada médicos sira nian "tindakan".

Sona morfin hotu, dr. Alex Suranadi ho Sahadewa fila fali ba "salaun operasaun", hau mak kuntinua observa malae ne iha "HCU".

ANJO RUA HUSU HAU TENKI BA FOHO RAMELAU

Assim que morfin tama, la kleur deit malae França ne dukur ona. Hau sente contente los. Komu nia dukur ona, hau nia tugas mak haree los malae ne deit, entaun hau mos sae kama dada manta toba tamba hau senti kole los. Latan ba kama iha salaun HCU ne’e, la kleur deit hau mos dukur ona, maske AC iha salaun HCU ne'e malirin los hanesan tiha iha Ramelau.

Iha madrugada (3 Fevereiro), hau mehi ida que estranho (aneh) los. Anjo rua mosu iha hau nia mehi. Anjo rua ne mosu ho ema barak ba barak. Iha mehi ne’e iha dialogu nebee naruk. Mas hau "cut" (koa) tiha deit. Iha mehi ne’e, anjo rua ne'e husu dehan hau tenki ba Ramelau tamba "Nai MAROMAK mak bolu hau hodi bensaun hau nian programa nebee hau fo naran: CATUR MOBILISASI".

Iha momentu neba, iha Eleisaun iha Domingo, 18 Abril 1993, hau "terpilih" tiha sai nudar Chefe IMPETTU Bali, ho programa naran CATUR MOBILISASI, maibee militar Indonesia lakohi simu no inagura (melantik) hau tamba deit razoens rua tuir mai ne'e;

(1). Hau nian status nudar; Membro Jurado Renetil (MJR).
(2). Hau lakohi simu militar Indonesia nian proposta hodi muda programa naran: CATUR MOBILISASI sai PANCA MOBILISASI.

Iha dia 7 Fevereiro 1994, hau ho belun Artur Corte Real (atual; Ineternist), hamutuk tan ho colega Manatuto oan ida naran Tadeu Francisco, ami nain 3 hasoru malu ho Senhor Manuel Viegas Carrascaão iha Super Market Tiara Dewata Denpasar Bali.

Iha momento hasoru Senhor Manuel ne'e mak hau hetan osan husi "Senhor Manuel" hodi sosa kedas ticket aviaun kalan ne'e. Dia seguintes, 8 de Fevereiro, hau ho aviaun sai husi Bali ba Dili.

Iha dia 14 Fevereiro hau sai husi Dili ba Atsabe. Iha dia Kinta feira 17 Fevereiro 1994, hau hamutuk ho ema nain 4 (mane hotu), sai husi Atsabe vila lao atu ba Ramelau. Mas to'o dalan klaran, ami nain 5 halai namakari fila fali mai vila tamba militar Indonesia tiru malu hela ho gerrileiros sira. Iha loron ne'e, gerrileiro (hau nia tiun) ida naran Pedro nia polegar (liman sanak inan) militar Indonesia tiru kotu tiha. Ami nain 5 halai namakari, ida-idak buka nia dalan to'o fila fali mai Atsabe vila.

Ami to’o mai vila, sira nain 4 trauma kedan. Akontesementu loron ne'e halo sira nain 4 nebee hau rai esperansa atu sai matadalan lori hau ba Ramelau ne’e lakohi los ona. Sira sai traumatiku tiha. Sira nain 4 dehan; "aban ka bain rua ka, ita ba fali, ne’e ita mate kedan".

Hau mos konfusaun bot. Entaun halo nusa mak diak? Iha momento neba, tiu Silvino (hau nia tiun rasik) mak "hein" Igreija Atsabe. Besik rai nakaras, hau husu chave igreija São José iha tiu Silvino hodi tama ba reza iha igreja laran. Hau tama ba reza to kabeen hotu nafurin.

São José sai nudar Padroeira (Pelindung) ba Paroquia Atsabe. Hau reza… reza… reza.., atu tama ba madrugada (18 Fevereiro), hau monu ba kondisaun "trance" (antara sadar dan tidak).

Iha kondisaun "trance" ne mak, teki-teki, São José mosu mai, kous hela Menino JESUS. Hau haree ba loloos kedan statua São José iha altar igreija São José laran. São José mosu mai, promete dehan aban, asu mutin ida sei ajud ahau, sai hau nia matadalan hodi lori hau ba Ramelau. Hato’o tiha mensajen ne’e, São José ho Menino JESUS mos lakon tiha.

Hau mos fila ona ba tiu Silvino nia uma hodi toba. Dader hau hader mai, hau hare ba asu aman mutin ida, ho nia isin fulun hanesan tiha algudaun mutin, mosu tiha ona iha tiu Silvino nia uma oin.
Ho Nai MAROMAK Nian intervensaun, ate que em fim, loron ne'e, Sexta feira, 18 de Fevererio 1994, besik rai nakaras, asu aman mutin ne'e lori hau to’o duni iha fatin segredu ida iha Ramelau hún. Fatin segredu ne’e, durante hau fo sasin (hakerek) ho lian Indonesia, hau bolu naran "Bukit Sio(n)". Iha lian Kemak, fatin segredu ne'e bolu naran (inisial); A-L.

ERA UMA VES O MACACO FICOU SEM RABO 

Antes hau ho asu ne'e to'o ba iha A-L, iha distancia pur volte de 4 kilómetros, mosu lekirauk barak los. Fofoun lekirauk isin bot ida, mas ikun tuuk (kotu tiha) mak mosu uluk. Lekirauk ikun tuuk ne sai tiha hanesan lider bot ba lekirauk sira seluk. La kleur mak nia "soldadu" (lekirauk maluk) mosu tan barak los.

Fofoun hau tenta atu konta tok lekirauk ne'e hira? Mas hau konta konta konta, lekirauk mai barak tan deit. Entaun hau konta to'o 50, kole ona hau mos para deit ona, tamba lekirauk mosu mai barak tan deit.

Hau haree hetan fali lekirauk nia lider ida ikun tuuk ne'e, halo hau lembra hetan fali livro leitura Portugues ba labarik "primeira classe" sira, iha titulu tópiku ida hakerek nune'e; ERA UMA VES O MACACO FICOU SEM RABO. Topiku ne'e hamutuk ho tópiku balu ho titulu; ZECA E O CÃO. Se hau la sala iha lia fuan balu hakerek nune'e; "Quando Zeca voltar na escola o cão disse; "Ão...ao..ão...Boa tarde Zeca. Aqui ninguem entra, eu não deixo. Não.. não...!!!"


ANJO RUA LORI KARETA LUXU TULA HAU IHA PORTAUN

Ami rua husik hela lekirauk sira, ami rua kuntinua la'o. Asu mutin ne'e mak uluk. Hau tuir husi kotuk mas hau dolar deit iha fatuk leten tamba ami rua tama ona iha fatin nebee mesak fatuk laran deit.
Besik atu to ba fatin A-L, mosu lian bot (mas estranho los) husi kalohan, dehan nune; "Hasai sepatu....hasai sepatu...hasai sepatu...!!! Lian ne'e repete ba repete. Hau rona lian ne’e, hau nia fuan atu para tiha deit. Maske hau la haree se mak kualia ne’e, hau halo tuir deit ona. Hau mos hasai tiha hau nia sepatu mak hau dolar deit iha fatuk leten hodi to'o ba iha iha fatuk ida mas nia "bentuk" ne'e lolos "kadeira bot" ida.

Hau tur tiha iha "fatuk kadeira" ne'e hodi dada iis, la to'o 10 minutus, hau dukur tiha. Iha dukur nia laran, teki-teki, hau mosu tiha ona iha fatin nebee furak tebes. Hau la hetan liafuan diak atu deskrebe fatin ne’e nia furak. Durante hau nia moris, hau ladauk hetan fatin furak hanesan ne’e.

Hau sei hamriik "bilaan" hela tamba hau senti admirado los ho fatin furak ne'e, husi dook, mais ou menus 100 metros nune'e, hau haree kareta mutin ida luxu los halai dadauk mai.

La kleur kareta ne'e para tiha ona iha hau nia oin. Hau haree ba "anjo rua" nebee mosu iha hau nia mehi iha 3 Fevereiro 1994, mak iha hela kareta laran. Anjo ida kaer volante ne'e tur nafatin iha kareta laran, Anjo ida fali tur iha kareta kotuk ne’e mak tuun mai loke odamatan, haruka hau sa'e kareta luxu ne'e.

Anjo rua ne'e lori hau tama iha area nebee furak teb-tebes. Hau haree uam barak ba barak. Uma sira ne’e nabilan furak los. Kareta ne'e halai lian uitoan deit mos ita la rona.

Ami nain 3 to'o ba iha uma ida, lolos mak "istana" (palacio). To'o iha neba, Anjo ida kare nafatin volante hodi kareta hein iha liur, Anjo ida fali ho hau tuun husi kareta lao tama ba istana nia laran. Iha Madre (malae mutin) ida mak simu hau. Anjo ne'e dehan ba Madre ne'e nune'e; "Ema ida Nai MAROMAK bolu ne mak mai ona ne'e".

Hau ho Madre ne'e kaer liman tiha, Madre ne'e dehan; "Boa tarde. Bem vindo". Depois Madre ne'e dehan; "Amo sira hein hela ita". To'o iha fase ida ne'e hau ladauk hasoru malu ho Santo Padre João Paulo II. Kulia tiha ho Madre ne'e, hau ho Anjo ne'e sai fali husi istana ne'e ba sae fali kareta nebee Anjo ida mak lori hein hela iha portaun. Anjo rua ne'e lori hau ba fali iha fatin ida dook uitoan.

Ami nain 3 to'o ba iha uma bot ida, luxo los. Hau ho Anjo ida ami rua tuir iha kareta kotuk ne’e tuun husi kareta, ami rua lao tama ba iha uma luxo ne'e nia laran. Iha neba hau hare "Amo Padre sira barak ba barak". Mas Amo sira ne’e mesak malae mutin hotu deit. La iha nein Padre ida que kulit metan. Amo sira ne'e hatais batina "cor verde" (matak), husi rohan ba rohan. Dehan Amo sira ne’e mai hotu iha fatin ne’e tamba atu tuir encontro ida que bot loos. Tamba ne’e mak Amo sira barak ba barak halibur iha fatin ne’e.


RAI MONARKIA HARII FALI SISTEMA REPUBLICA DEMOCRATICA 

Karik iha perguntas ruma mosu; “Nai MAROMAK bolu ABM ba Ramelau hodi bensaun programa CATUR MOBILISASI ninian relasaun ho livro THE DA VINCI CODE ne’e mak saida los?”

Karik iha duni pergunta ruma mosu duni nune’e, hau atu dehan nune’e deit; “Belun sira nebee que lee artigu ne’e, karik iha uma mak belun sira iha livro THE DA VINCI CODE, edisaun lian Indonesia, cetakan ke-11, Marsu 2005, belun sira loke capítulu (bab) 58.

Iha neba, iha livro THE DA VINCI CODE, iha capítulu 58, kulia kona ba segredu bot ida nebe’e que relasiona forte ho termus; BANGSAWAN YESUS. Assunto BANGSAWAN YESUS ne’e mak sai nudar assunto sentral hodi atrai ema millaun ba millaun iha mundo tomak senti kurioza/zu hakarak los sosa livro THE DA VINCI CODE. Tamba deit assunto BANGSAWAN YESUS, halo Mr Brown (author livro ne’e), sai riku tiha kedan tamba hetan royalty bot.

Belun sira imajina tok. Iha Indonesia deit, ladauk to tinan ida, livro THE DA VINCI CODE “naik cetak” mak 11X (sebelas kali).

Bazeia ba segredu bot nebee mak hau hetan durante loron 3 iha Ramelau, liliu iha loron Domingo, 20 de Fevereiro 1994, iha momento nebee Lalehan nakloke, no Nai MAROMAK koalia husi Lalehan mai, inklui iha altura Nai MAROMAK hiit Nian liman direita aas tiha (Nai MAROMAK Nian oin la mosu), hodi fo resposta ba Amo Papa João Paulo II nian perguntas, encorraja hau, nein duvidas atu dehan nune’e ba belun sira;

“Rai Timor ne’e RAI MONARKIA (TANAH KERAJAAN). Mas Timor ulun toos, hakarak harii (adopta) fali “Sistema Anti CRISTO-666" (Sistema Republica Democrática). Entaun ita rasik mak hakarak buka moras. Harii fali "Sistema Anti CRISTO- 666" ninian konsekuencia mak ne’e; iha futuru, Timor sei infrenta problema boot. Problema boot ida nebee halo Timor monu mos hader ladiak kedan”.

Analog diak liu mak tuir mai ne’e;

Ita nian avó Adaun ho Eva halo sala hela, sai nudar “cauza prima” nebee halo ita hotu moris mai, moris kedan ho “pecado original” (dosa asal). The Founding Father sira halo sala, jerasaun Timor sira tuir mai sei lori “malisan todan” to fim do mundo (to’o CRISTO mai hodi julga ema hotu = The Judgment Day = Hari Penghakiman).

Hau kulia ba kulia hodi dehan; "Sistema Monarkia mak Timor nia úniku no própiriu identitade. Sistema Monarkia ne'e Nai MAROMAK Nian dezenha. Nai MAROMAK Nian obras. La'os hau nian obras.

Mas hau kulia ba kulia (hakerek ba hakerek) to'o kole didiak, belun Timor oan bark ba barak maka insulta fali dehan hau ema bulak. Entaun belun sira hein deit hodi haree rasik ba. Importante hau fo ona "sasin" haklaken ona Nai MAROMAK Nian ordem nebee hau ba simu iha Foho Ramelau Fevereiro 1994.

Timor "separa" (fahe malu) ho Indonesia, hau fila fali mai Bali kumpri hau nia devér halao "Sejum VVV durante tinan 13" (2003-2016). Iha fim do ano 2016, hau nia "Sejum VVV" remata ona, hau hein hela atu fila ba Timor hodi kuntinua hau nia vida nudar "pedagang obat herbal" no "pakaian obralan" iha Mercado Taibessi.

Sai "pedagang" ne'e la preciza tenki iha diploma no mos laiha obrigatorio tenki dumina lian Portuguéza. Los kalae?

Hanesan Amo Martinho Gusmão dehan; “Ita foin mak aprende kona ba história. Mas ita ladauk aprende husi história”.

Karik, teki-teki, Nai MROMAK Nian Anjo rua nebee mai bolu hau ba Ramelau iha Fevereiro 1994 mosu teki-teki iha belun sira nian oin, hodi husu ba belun sira nune’e;

“Tamba saa mak Timor proclama nasaun ho "Sistema 666" (Sistema República Democrática) iha 28 Novembro 1975, foin mak loron 9 deit, Presidente Americano Gerald Ford mai futu lia ho Presidente Soeherto iha Jakarta, hodi haruka militar Indonesia tenki halo invazaun kedan iha dia 7 de Dezembro 1975?”

“Mais ou menus, belun sira nian resposta ba Anjo rua ne’e oin sa?”
Hakoak bot ba Timor oan sira hotu. Hela nafatin ho Nain JESUS CRISTO Nia gracas rohan laek.

Sei kuntinua;

Tidak ada komentar: