Selamat datang di Blog Darah Daud 303. TUHAN YESUS memberkati kita semua (hitam & putih)

Kamis, 02 Februari 2017

AKORDU 19'06 MERCADO TAIBESI

 Ohin loro-karik, hau encontro ho companheiro KM iha Toko Buku Gramedia Matahari Denpasar Bali. Colega KM ne'e, agora hala'o hela nia estudo iha nivel Post Graduate nivel Doctoral (S3) Universidade Udayana (Unud) Bali.

Iha passado, colega KM ne mos halo parte ativamente iha luta ba Timor nia independencia liu husi Renetil ho status nudar MJR (Membro Jurado Renetil). Colega ne mos agora halo parte ativamente nudar Quadro PD (Partido Democrático),

Iha encontro ne'e ami rua dada lia kona ba topikus barak, komesa husi assuntos Eleisaun Presidencial (inclui kandidatura Comopanheiro Antonio Da Conceiçáo "Kalohan" husi PD ba Presidente República), Eleisaun Parlamentar, transformasaun lideransa nasional husi jerasaun tuan ba jerasaun foun, inclui kulia mos kona ba Timor nia futuro nebé incerteza los (masa depan yang tidak pasti).


Sa tan mina Timor (proprio riku-soin natureza) mos komesa menus ba dadauk, contrario fali ho populasaun Timor nebé númeru aumenta lais los.

Se ita refere (kaer) ba teoria Thomas Malthus (Padre Anglican husi Inglaterra), katak fenomena (sosiais) ida nebee agora dadaun Timor infrenta, sei lori Timor tama to iha "extreme point" (ratio entre riku-soin natureza no numeru populasaun atinji ona nivel zero tolerancia alias totalmente la iha liu ona balancio), sei resulta Timor monu ba situasaun "fully failed state" (negara gagal total).

Sa tan até a data, estado no governo Timor ladauk hetan alternativa (rekursu) seluk nebe hodi antisipa obstaclos barak iha futuro, inclui substitui (troka) fali mina Timor, enquanto Timor tama iha kondisaun grave tamba deit mina Timor maran.

Se lae, maun bot Xanana nia lia fuan nebee kulia iha nia visita ida ba Indonesia (Java Oriental) iha Dezembro 2010 sei sai realidade. Katuas dehan katak nia visita Java Oriental ne tamba em cima de 80% sasan hotu-hotu (sembako) nebe agora sirkula iha Timor laran tomak, mai husi Sura-buaya.

Timor nia iis ne'e iha los deit mina Timor. Enquanto mina Timor maran ona, Timor nia historia mos remata. Para Timor historia labele remata, no Timor nia iis mos labele kotu, Timor tenki iha relasaun diak ho Java Oriental (Harian Umum Nasional Jawa Pos, edisi Desember 2010).

COLEGA MEDICO DESCOINHECE TIHA HAU

Ami rua nia dada lia ne'e, to ikus tama ba topiku "David nia abut" (Keturunan Daud = Tunas Daud).
Ami rua dada lia hela (animado los), teki-teki, colega médico ida (dr. Domingos da Silva/husi Ossú Viqueque/Ossú ne'e sei Dr. Lu-Olo nia knua karik), ho nia spoza la'o tama ba, la'o liu los hau nia oin, ho distancia pur volta de 30cm, mas descoinhece tiha hau.

Dr. Ameu koinece fali mak hau nia belun KM. "Say hallo" tiha ba KM, colega médico ne'e lao liu tiha deit hau. Padahal ami rua ne colega diak desde SMANSA I (SMA Negeri I) Dili to tama iha Faculdade Medicina Universidade Udayana (Unud) Bali.

Pode ser naton colega ne la'o tama ba ne'e, nia focus los atu ba troka osan iha "money changer", nebe susar atu fixa ema nia oin.

MUDA FATIN CONVERSA BA "RESTAURANTE TEMAN"

La kleur KM simu telfone husi "Chefe Gabinete Ministério Edukasaun Timor Leste".
Sira rua kulia hotu, hau dehan ba belun KM;

"Mano...! Dr. Ameu la koinece ona hau ne sinal ladiak. Diak liu ita rua tenki desloka ona, muda fatin conversa".

Ami rua sai husi Matahari muda dook kedan (pur volta de 4km), ba mak para iha Panjer. Ami rua ba para los iha fatin favorit nebé durante ne'e ami sempre hasoru malu; "Rumah Makan TEMAN".

Iha ne ba, ami rua dada lia tan. Iha dada lia ne'e, mak ami rua halo "acordo bilateral" ida nebé bolu naran; "AKORDU 19'06 MERCADO TAIBESI". Númeru "19'06' tem que pronuncia ho lian; "deze nove zero seis". Se tradúz ba lian Indonesia karik, bolu; "PERJANJIAN SEMBILAN BELAS NOL ENAM PASAR TAIBESI".

Akordu 19'06 Mercado Taibesi ne'e katak hau sosa fali belun KM nia fatin ida iha "Mercado Taibesi" hodi faan "ropa obralan". Como (komu) fatin ne'e abandonado hela, tamba belun KM mos okupadu los ho atividades (servisu) barak, entaun nia fan fali mai hau "$800".

"Ok deal...!!!" Ami rua kaer liman metin los (tanda jadi).

Komu hau nia "Sejum VVV 13 anos" remata ona iha fim do ano 2016, hau la iha tan razaun forte atu kuntinua hela iha Bali. Hau tenki fila ona ba Timor. Mas hau konfusaun los, atu hala'o servisu saida los hodi bele "survive" (bertahan hidup) kuntinua moris.

Hau atu involve iha area seluk, pur exemplo area politico, mas hau sente la iha keda liu (tidak ada bakat sama sekali). Atu fila fali ba hanorin nudar "dosente" mas hau la dumina "lingua Portugueza".
Tetu ba tetu mai, la iha opsaun nebe mak diak. Entaun, komu hau ne ema Atsabe (iha keda fan sasan), hau sente ba úniku (melhor) profissão (profesi) nebé facil liu hau bele hala'o mak sai; "PEDAGANG PAKAIAN OBRALAN" . Sounds freaky, funny but pity.

Sai "PEDAGANG PAKAIAN OBRALAN" ne la precisa diploma. Sa tan belun KM mak "fasilitador" tamba belun KM iha relasaun diak ho ema (Pengusaha) sira nebee bele drop "roupa obralan" husi Sura-buaya (Java Oriental) ba Timor.



HAU TENKI KUMPRI ACORDO 202



Mas infelizmente (tapi sayangnya), baseia ba "ACORDO 202" nebé uluk halo iha "Foho Ramelau iha loron 20 Fevereiro 1994", katak; depois de Timor fahe malu ho Indonesia, hau tenki fila ba Bali hodi hala'o "Sejum VVV durante tinan 13". Assim que hau nia "Sejum VVV 13 anos ne remata", hau labele naran tau ain iha Dili.

Hau so foin bele tau ain iha Dili enquanto buat rua tuir mai ne'e, minimal ida tenki akontese iha tinan 2017. Buat rua ne mak;

(1). RAI TENKI NAKDOKO IHA 2017 DILI OU DENPASAR
(2). EMA BOT IDA TENKI MATE IHA 2017

Durante tinan 2017 ne'e mak la iha "rai nakdoko" iha Dili-Timor Ou Denpasar Bali, ou la iha ema bot (lider nasional) ruma mate, entaun durante hau nia (restu) moris, hau labele tan tau ain iha rai Dili. Quér dizér que hau bele ba hela iha Timor, mas hau labele tama Dili "pur toda vida".

Tantu hau tenki kumpri "ACORDO 202". Se hau la kumpri "ACORDO 202", hau labele tama Lalehan tamba; "no mercy for me" (la iha perdaun ba hau).

Kona ba "rai nakdoko" ne'e, atu ho (qualqér) magnitudo (skala Ritcher) hira deit, atu resulta tsunami ou lae, atu akontese iha Dili ou Denpasar, importante mak rai nakdoko, atu nune'e sai nudar sinal ida ba Timor oan sira hotu katak "David nia abut" ne iha duni.

Se karik rai la nakdoko, mak Nai MAROMAK substitui (troka) fali rai nakdoko ne ho ema bot ruma tenki mate iha tinan ida ne'e, hau hein katak ema bot refere bem preparado. Atu nune'e nia klamar bele hetan salvasaun husi Nai MAROMAK.

Mas husi opsaun rua leten ne'e, hau prefero hili "rai nakdoko" mas labele nakdoko ho magnitudo nebe'e forte liu, para labele resulta (destroi) buat barak, sa tan resulta tsunami lori tasi sa'e


AKORDU 19'06 MERCADO TAIBESI SEI LA ABORTU

Se companheiro KM lé artigu ne'e, hau atu dehan deit; karik iha tinan 2017 to remata (iha 31 Dezembro 2017) mak la iha rai nakdoko, ou la iha ema bot ruma mate, ne katak durante hau nia vida restu (sisa hidup), hau labele tan ona tama iha Dili.

Mas embora que hau labele tan ona tau ain iha Dili, ita rua nia "Akordu 19'06 Mercado Taibesi" labele abortu (tidak boleh gugur), tenki lao nafatin, tamba; maske fisicamente hau la marka hau nia precenza iha Kota Dili, hau sei iha ema nebé bele troka hau nia fatin hodi hala'o atividades kontratu (fan roupa obralan).

Hau pessoalmente sempre fiar metin ba Nai MAROMAK Nia obras, liliu kona ba David nia abut, maske Timor oan tomak la fiar.

Karik Nai MAROMAK sei loke nafatin odamatan atu Timor oan sira bele koinese David nia abut, entaun antes tinan ne'e remata, entre opsaun rua leten ne'e, ida sei akontese.

Mas se karik Nai MAROMAK la permite tan ona atu Timor oan bele koinhese David nia abut, entaun to 31 Dezembro 2017, Timor rai sei la nakdoko ou ema (lider) bot ruma mos sei la mate. Ne'e kala "selamanya" hau labele ona hare tan cidade Dili nia furak.

Fico assim so. Hakoak bot ba belun Timor oan sira hotu, liu-liu sira nebé lé ona artigu simples ida ne'e. Espero que Timor oan hotu hela nafatin ho Nain JESUS CRISTO Nia graças rohan laek.

Tidak ada komentar: